Eldos Smetov uzaq úzilisten keıingi jattyǵýyn kórsetti
ASTANA. KAZINFORM - 2024 jylǵy Parıj Olımpıadasynyń chempıony Eldos Smetov tatamıge oralýǵa qalaı daıyndalyp jatqanyn kórsetip, jattyǵý kadrlaryn jarııalady.
Smetov jarııalaǵan beınejazbada dzıýdodan jattyǵý men jarystar barysynda qoldanylatyn «dzıýdogı» kıim formasymen júrgenin baıqaýǵa bolady. Sportshynyń artqy jaǵynda Olımpıada chempıony kııýge quqyly ývaga (kýrtka) altyn belgisi bekitilgen.
- Biz qazir oqý-jattyǵý jıynyndamyz.Tatamıdegi ár kún — jańa deńgeı, jańa kúsh. Chempıondyq eńbekpen saqtalady. Jańa belesterdi baǵyndyrýǵa daıyndalyp jatyrmyz, - dep jazdy ol áleýmettik jelidegi paraqshasynda.
Aıta ketsek, sportshy óz mansabynda 3 Olımpıadada qatarynan júlde alyp keldi. 2016 jyly fınalǵa deıin jetse, 2020 jyly qola júldege ıe boldy. Al 2024 jyly ol Qazaqstan qorjynyna jalǵyz altyn medaldi salǵan bolatyn.
Eske salsaq, Parıj Olımpıadasynyń chempıony, qazaqstandyq dzıýdoshy Eldos Smetov úlken sportqa qaıta oralatynyn málimdedi.
Onyń aıtýynsha, 2026 jyly jarystarǵa qatysýdy josparlap otyr. Biraq ázirge naqty qaı týrnırge jáne qaı ýaqytta shyǵatyny belgisiz.