Eldos Smetov: Tóreshilermen kelispeıtin tustarym bar
NAGOıA. KAZINFORM — Qazaqstandyq dzıýdoshy Eldos Smetov Japonııada ótip jatqan HH jazǵy Azııa oıyndarynda araǵa 12 jyl salyp júldeger atandy. Sportshy jekpe-jekten keıin Kazinform tilshisine suhbat berip, Azııa oıyndaryndaǵy jarys jolyn qorytyndylady.
Eldos Smetov aqtyq syndaǵy beldesýine oń baǵa berdi.
- Beldesý oıdaǵydaı boldy. Qarsylas óz alańynda kúresip jatqandyqtan belgili deńgeıde ózin erkin sezindi. Birneshe sátte tóreshilermen kelispeıtin tustarym bar. Ustasyp júrgende ózimdi jaqsy sezindim, taza jeńiýdi josparladym. Qarsylasqa múmkindik berilgenin eskerip, shabýyldardy kúsheıtý kerek ekenin túsindim. Sońǵy shabýylda ıppon nemese vazarı upaıyn alamyn dep josparlaǵan edim. Biraq, qarsylas sytylyp ketti, - dedi sportshy.
Olımpıada chempıtny Azııa oıyndaryndaǵy básekelestik joǵary deńgeıde ekenin aıtty.
- Ózderińiz kórgendeı, qarsylastar osal bolǵan joq. Búgin Ońtústik Koreıa, Mońǵolıa jáne Qytaılyq Taıpeı sportshylarymen beldestim. Barlyǵy álemdik dodalarda júlde jeńip alǵan dzıýdoshylar. Aqtyq syndaǵy japondyq Haıato Kondomen alǵash ret kezdesip otyrmyn. Básekelkstik joǵary deńgeıde boldy,- dedi ol.
Qazaqstandyq sportshy aldaǵy josparymen bólisti.
- Árqashan qatelikterdi saralap, alǵa jyljý kerek. Men ózimdi eń myqtymyn dep sanamaımyn. Biraq, olqylyqtarymydy tolyqtyryp, myqty bolyp oralatynyma senimdimin. Olıpıadadan keıingi eki jyl úzilis, eki operatsııa jasaldy. Qazirgi ýaqytta óz babyma kelip, barlyǵyn rettep, Azıadaǵa keldim. Men úshin jaman nátıje emes, alda taǵy baıraqty dodalar kútip túr,- dedi dzıýdoshy.
Osyǵan deıin habarlaǵanymyzdaı, etnıkalyq qazaq sportshy Qadirbek Elka HH jazǵy Azııa oıyndarynda Mońǵolııa quramasy qorjynyna alǵashqy altyn syılady.
Sonymen qatar, Qazaqstandyq grek-rım kúresiniń sheberi Meıirjan Shermahanbet Azıada qola júldesin enshiledi.
