Eldos Smetov sporttaǵy mansabyn aıaqtaı ma

ASTANA. KAZINFORM—2024 jylǵy Olımpıada chempıony Eldos Smetov mansabyn aıaqtaý týraly aqparatqa túsinik berdi, dep jazady Sports.kz.

- Eldos, buqaralyq aqparat quraldarynda Parıj Olımpıadasy sizdiń mansabyńyzdaǵy sońǵy olımpıada boldy degen aqparat tarady. Buǵan ne deısiz ?

- Eń aldymen, barsha qazaq halqyna jyly lebizi men quttyqtaýlary úshin alǵysymdy bildirgim keledi. Bul meniń ǵana emes, búkil Qazaqstannyń jeńisi. Oǵan Qazaq rýhy men mineziniń arqasynda qol jetkizildi dep sanaımyn. Biz bul jeńisti 44 jyl kúttik, Allaǵa shúkir, oǵan jettik. Ekinshiden, men áli mansabymdy aıaqtaý nemese jalǵastyrý týraly sheshim qabyldaǵan joqpyn. Burynǵy suhbattarymda men kóńil kóterińiki nemese kerisinshe kóńil-kúıiń nashar kezde sheshim qabyldaýǵa bolmaıtynyn aıtatynmyn. Qazir men eıforııadamyn, ne bolyp jatqanyn asa túsinbeımin. Olımpıada oıyndaryndaǵy jeńisti óz basym 15-16 jyl kúttim. Sondyqtan men qazir «nokdaýn» alǵan adam sııaqty kúıdemin. Munyń bári tús sııaqty. Mańyzdy sheshim qabyldaýǵa áli erte, - dedi ol.

Smetov Rıo oıyndarynyń kúmis júldegeri (2016) atansa, Tokıo Olımpıadasynda qola medal (2020) aldy, al 2024 jylǵy Parıjdegi Olımpıadada chempıon boldy.