Eldos Smetov pen Zýlfııa Ǵabıdýllına páter kiltin aldy
TARAZ. QazAqparat - Búgin Taraz qalasynyń ákimi Rústem Dáýletov paralımpıadalyq chempıon Zýlfııa Ǵabıdýllınaǵa jáne Rıo-de-Janeırodaǵy Olımpıada júldegeri Eldos Smetovke saltanatty jaǵdaıda páter kiltin tabys etti, dep habarlady «QazAqparat» HAA tilshisi.
«Elimizdiń «Dene shynyqtyrý jáne sport týraly» zańyna sáıkes qalanyń jergilikti atqarýshy organy Olımpıada, paralımpıada, sýrdlımpıada oıyndarynyń chempıondary men júldegerlerin turǵyn úımen qamtamasyz etti, dep habarlady Taraz qalasy ákimdiginiń baspasóz qyzmetinde. - Osy maqsatqa respýblıkalyq bıýdjetten eki páter satyp alýǵa 19,8 mln teńge qarajat bólindi».
Taıaýda salynǵan úsh qabatty turǵyn úı oblys ortalyǵynyń soltústik-batys bóliginde ornalasqan. Munda kompanııa shaǵynaýdan salady, onda «jasyl aımaq», saýda ortalyǵy, balalar alańdary, sport qurylystary bolady.
«Zýlfııa Ǵabıdýllına alańy 81,8 sharshy metr 3 bólmeli páter, Eldos Smetov - alańy 61,9 sharshy metr 2-bólmeli páter aldy», - dedi Taraz qalasynyń ákimi Rústem Dáýletov.
«Sportshylarǵa osyndaı qurmet kórsetkeni, qamqorlyq jasaǵandary úshin ózimdi baqytty sanaımyn! - dedi Zýlfııa Ǵabıdýllına. Búgin keremet mereke - Balalardy qorǵaý kúni - bizge erekshe syılyq tabys etildi. Úlken rahmet!».
Eske salsaq, paralımpıada chempıony Zýlfııa Ǵabıdýllına - júzýden QR halyqaralyq dárejedegi sport sheberi, QR ulttyq quramasynyń múshesi, álemniń 12 dúrkin rekordshysy. 
Rıo-de-Janeırodaǵy Olımpıada júldegeri qazaqstandyq dzıýdoshy Eldos Smetov te halyqaralyq dárejedegi sport sheberi.
