Eldos Smetov Olımpıadadan keıin alǵashqy jarysqa qashan shyǵady
ASTANA. KAZINFORM – Parıj Olımpıadasynyń chempıony, qazaqstandyq dzıýdoshy Eldos Smetov úlken sportqa qaıta oralatynyn málimdedi, dep habarlaıdy Almaty qalasy Sport basqarmasynyń baspasóz qyzmeti.
– Olımpıadadan keıin mansabymdy aıaqtaımyn dep aıtqan joqpyn ári qaraı kúresti jalǵastyramyn degenmin. Qazir jaraqattan keıin qalpyna kelý kezeńindemin. Iyǵyma ota jasaldy, endi tolyq jazylýyn kútip otyrmyz. Eger bári josparǵa saı bolsa, jeltoqsan aıynan bastap jattyǵýdy bastaımyn. 2026 jyly jarystarǵa qatysýdy josparlap otyrmyn, biraq ázirge naqty qaı týrnırge jáne qaı ýaqytta shyǵatynym belgisiz, – dedi Smetov.
Sportshynyń aıtýynsha, jarystarǵa qatysý jaraqattyń jaǵdaıyna, jattyǵý úderisine jáne sporttyq babyna baılanysty bolady.
Aıta keteıik, Eldos Smetovtiń sońǵy resmı jarysy – 2024 jyly Parıjde ótken Olımpıada oıyndary. Dzıýdoshy 60 kelige deıingi salmaqta altyn medal ıelengen bolatyn.