Eldos Smetov Eýropa kýbogyna qatysady
ASTANA. QazAqparat - Dzıýdodan 14-16 shilde kúnderi Germanııanyń Saarbrıýkken qalasynda Eýropa kýbogy jarysy ótedi, dep habarlaıdy Massaget.kz.
Halyqaralyq bul dodaǵa Qazaqstan quramasy sapynda 14 dzıýdoshy qatysady. Olardyń qatarynda Rıo Olımpıadasynyń kúmis júldegeri Eldos Smetov te bar.
Eldos Rıodaǵy Olımpıada oıyndarynan keıin tynyǵyp, Gran-Prı týrnıriniń kópshiligine qatysqan joq. Aqpan aıynda Dıýsseldorftaǵy dodada júldeli orynnan kórine almady. Al aldaǵy Eýropa kýbogynda 66 kelide baq synap kórmek.
Saarbrıýkkendegi dodaǵa Eldostan bólek Rıo Olımpıadasyna qatysqan Jansaı Smaǵulov pen Maksım Rakov ta qatysady. Jalpy alǵanda myna sportshylar baq synaıdy:
Aıbek Imashev (60 kg)
Eldos Smetov (66 kg)
Ǵumar Qyrǵyzbaev (66 kg)
Jansaı Smaǵulov (73 kg)
Nurlan Orazalın (73 kg)
Eldos Jumaqanov (73 kg)
Azamat Muqanov (73 kg)
Qajymuqan Óteýlıev (81 kg)
Azız Qalqamanuly (90 kg)
Islam Bozbaev (90 kg)
Suńǵat Zakarııaev (90 kg)
Maksım Rakov (-100 kg)
Vıktor Demıanenko (-100 kg)
Erjan Shynkeev (+100 kg)
