Eldos Smetov «dopıngin» kórsetti
ASTANA. KAZINFORM – Qazaqstandyq dzıýdoshy, Parıj-2024 jazǵy Olımpıadasynyń chempıony Eldos Smetov jelide otbasylyq sýretin jarııalady.
Áıgili sportshy Instagram áleýmettik jelisindegi paraqshasynda qolyna uldarynyń birin ustap túsken sýretin júktegen.
- Meniń eń úlken dopıngim – ekinshi Smetov, - degen jazba qaldyrǵan sportshy foto astyna.
Aıta keteıik, Eldos Smetov otbasylyq ómirine qatysty málimettermen sırek bólisedi. Qoǵamǵa belgili derek boıynsha, Smetovter otbasynda Marııam, Omar, Jibek, Muhammad jáne Abdýllah esimdi 5 bala ósip keledi.
Sondaı-aq 2024 jyldyń jazynda Olımpıada oıyndarynda altyn medal jeńip alǵannan keıin, 33 jastaǵy Eldos Smetov tatamıge shyqqan joq. Degenmen ol mansabyn aıaqtamaıtynyn, jarystarda óner kórsetýdi jalǵastyratynyn málimdegen bolatyn.
Eske sala ketsek, chempıon Eldos Smetov ótken jyly suhbat barysynda memlekettik qyzmetke barmaıtynyn, taǵy bir Olımpıadaǵa qatysatyny týraly málimdegen edi.
Sondaı-aq taıaýda qazaqstandyq dzıýdoshy Eldos Smetov úlken sportqa qaıta oralatynyn aıtty.