Eldos Smetov bastaǵan dzıýdoshylar Gran-prı týrnırine qatysady
ORAL. QazAqparat - Qazaqstan quramasy 5-7 sáýir kúnderi Túrkııanyń Antalııa qalasynda ótetin Gran-prı týrnırine qatysady, dep habarlaıdy QazAqparat tilshisi.
Qazaqstan dzıýdo federatsııasy habarlaǵanyndaı, aıtýly dodada álemniń 78 elinen 533 dzıýdoshy baq synamaqshy.
Qazaqstan namysyn 13 dzıýdoshy qorǵaıdy.
Atap aıtqanda, erler:
Eldos Smetov (-60 kg),
Dáýren Súıeýkenov (-60 kg),
Ábilhaıyr Máýlenın (-66 kg),
Suńǵat Jubatqan (-66 kg),
Ańsarbek Ǵaınýllın (-73 kg),
Janbolat Baǵytbergenov (-73 kg),
Rýslan Musaev (-81 kg),
Dıdar Hamza (-81 kg),
Ersultan Muzapparov (-90 kg),
Rega Palkın (-90 kg),
Ádilhan Qozybaev (-100 kg),
Jambyl Turǵynalıev (+100 kg).
Áıelder:
Otgontsetseg Galbadrah (-48 kg).
Qazaqstan quramasy osynyń aldynda Tbılısıde ótken Gran-prı týrnırine qatysyp, qorjyndary bos qaıtqan bolatyn.
Bul joly Olımpıada júldegerleri Eldos Smetov pen Otgontsetseg Galbadrah syndy beldi palýandar tatamıge shyqqaly otyr.
BQO dene shynyqtyrý jáne sport basqarmasynan túsken málimetke qaraǵanda, batysqazaqstandyq Ańsarbek Ǵaınýllın (bapkeri Talǵat Balmaǵambetov) alǵash ret eresekter arasyndaǵy Gran-prı jarysyna qatyspaqshy. 2018 jyly A.Ǵaınýllın jastar arasynda Azııa chempıony atanǵan bolatyn.
