Eldos Smetov bastaǵan 16 dzıýdoshy Parıjdegi Grand Slam jarysynda baq synaıdy
NUR-SULTAN. QazAqparat – Eldos Smetov bastaǵan 16 dzıýdoshy Parıjdegi Grand Slam jarysyna qatysady, dep habarlaıdy QazAqparat tilshisi.
Qazaqstan dzıýdo federatsııasy málim etkendeı, atalmysh álemdik doda 8-9 aqpan kúnderi ótedi.
Parıj tatamıine 122 elden 788 dzıýdoshy keledi dep josparlanǵan.
Qazaq eliniń namysyn myna dzıýdoshylar qorǵaıdy.
Erler:
Eldos Smetov (60 kg)
Ǵusman Qyrǵyzbaev (60 kg)
Eldos Jumaqanov (66 kg)
Erlan Serikjanov (66 kg)
Jansaı Smaǵulov (73 kg)
Bekádil Shaımerdenov (73 kg)
Dıdar Hamza (81 kg)
Islam Bozbaev (90 kg)
Erasyl Qajybaev (+100 kg)
Ǵalymjan Qyryqbaı (+100 kg)
Áıelder:
Otgontsetseg Galbadrah (48 kg)
Aqmaral Naýatbek (48 kg)
Anna Kazıýlına (52 kg)
Sevara Nıshanbaeva (57 kg)
Nazgúl Maratova (+78 kg)
Kamıla Berliqash (+78 kg)
Halyqaralyq dzıýdo federatsııasynyń (IJF) erejesine sáıkes Grand Slam týrnıriniń jeńimpazy men júldegerlerine álemdik reıtıngte upaı sandary qosylady. Jeńimpazǵa 1 myń upaı, ekinshi oryn ıegerine – 700, qola júldegerge 500 upaıdan beriledi.
Eske sala keteıik, budan buryn Erlan Serikjanovtyń álemdik reıtıngte úzdik ondyqqa engenin jazǵan bolatynbyz.
