Eldos Smetov búgin Azııa oıyndaryndaǵy beldesýin bastaıdy
ASTANA. KAZINFORM – Dzıýdodan Qazaqstan quramasynyń 2026 jylǵy Azııa oıyndaryndaǵy jarys baǵdarlamasy belgili boldy.
Qurlyqtyq básekede aldaǵy jarys kúnderindegi baǵdarlamasy bekitildi. El quramasy 30 qyrkúıek, 1,2 qazan kúnderi synǵa túsedi. Jarystardyń bastalýy Qazaqstan ýaqytymen 7:00-ge belgilense, fınal 13:00-de bastalady.
Búgin, 30 qyrkúıekte el quramasynan Eldos Smetov (60 keli), Ǵusman Qyrǵyzbaev (66 keli), Abıba Ábýjaqynova (48 keli), Merýert Sársenova (52 keli) tatamıge shyǵady.
Al 1 qazanda Baqytjan Abdýrahmanov (73 keli), Ádilet Almat (81 keli), Dana Ábdirova (57 keli), Esmıgúl Kýıýlova (63 keli), Ajar Ashat (70 keli) júldeni sarapqa salady.
Sondaı-aq 2 qazanda Aıdar Arapov (90 keli), Marat Baıkamýrov (100 keli), Erasyl Qajybaev (100 keli), Ekaterına Tokareva (78 keli), Aıda Toıshybekova (78 keli) syndy balýandarǵa úmit artamyz.
Aıta ketsek, budan buryn Qazaqstan dzıýdo federatsııasy Bakýde (Ázerbaıjan) ótetin eresekter arasyndaǵy álem chempıonatyna qatysatyn balýandardyń tizimin jarııalady.
