Eldos Smetov Aqtaýda sheberlik sabaǵyn ótkizdi

AQTAÝ. QazAqparat - Rıo Olımpıadasynyń kúmis júldegeri jáne 2015 jylǵy álem chempıony Eldos Smetov Aqtaýda «Ádil dzıýdo» klýbynyń dzıýdoshylaryna sheberlik sabaǵyn ótkizdi, dep habarlaıdy QazAqparat tilshisi.

Jastar chempıonnyń árbir qımyl-qozǵalysyn muqııat baqylap, aıtqan aqyl-keńesterin tyńdady. Eldos Smetov tatamıde jas sportshylarmen qatar turyp óziniń ádis tásilderin kórsetti. Tipti olarmen jeke-jeke beldesip, jastarǵa senimdilik syılap, yntalandyrdy.

Sondaı-aq, álemge belgili sport sheberi jastarmen suhbattasyp, olardyń qoıǵan suraqtaryna jaýap berdi.

«Qazirgi tańda kúresti qoımaı jatyp, jastarmen tatamıde kezdesýler ótkizý – olarǵa úlken motıvatsııa dep aıta alamyn. Sondyqtan ár aımaqqa barǵanda aýdandardy aralap, sport súıer jastarǵa sheberlik sabaǵyn úıretemin. Meniń tájirıbem mol. Ózim ǵana bilmeı, ózgelerge de úıretýim kerek. Jalpy, Aqtaýǵa demalýǵa keldim», - deıdi dzıýdodan álem chempıony Eldos Smetov.