Eldos Saǵıev Shymkent prokýrory qyzmetin atqarady

ASTANA. KAZINFORM — Eldos Saǵıev Shymkent qalasynyń prokýrory laýazymyna taǵaıyndaldy, dep habarlaıdy Bas prokýratýranyń baspasóz qyzmeti.

— Memleket basshysynyń kelisimimen jáne Bas Prokýrordyń buıryǵymen 3-synypty memlekettik ádilet keńesshisi Eldos Álıhanuly Saǵıev Shymkent qalasynyń prokýrory laýazymyna taǵaıyndaldy, — delingen habarlamada.

Eldos Saǵıev Prokýratýra organdaryndaǵy qyzmetin Aqmola oblysy Shortandy aýdany prokýrorynyń kómekshisi retinde bastaǵan.

Ár jyldary Ekonomıkalyq qylmysqa jáne sybaılas jemqorlyqqa qarsy kúres agenttiginiń Qaraǵandy oblysy boıynsha departamentinde, Sybaılas jemqorlyqqa qarsy is-qımyl Ulttyq bıýrosynyń Qostanaı jáne Mańǵystaý oblystary boıynsha departamentterinde, Bas prokýratýranyń Arnaıy prokýrorlar qyzmetinde basshylyq laýazymdarda qyzmet atqardy.

2022 jylǵy tamyzdan Bas prokýratýranyń Sotqa deıingi tergep-tekserýdiń zańdylyǵyn qadaǵalaý jáne qylmystyq qýdalaý qyzmetiniń bastyǵy boldy.

Qyzmettegi joǵary jetistikteri úshin «Eren eńbegi úshin» medalimen, ІІ dárejeli «Aıbyn» jáne ІІ dárejeli «Dańq» ordenderimen nagradtalǵan.  

Budan buryn Astana qalasynyń prokýrory aýysqany belgili boldy.