Eldos Safýllın BQO bilim basqarmasynyń basshysy bolyp taǵaıyndaldy

ORAL. KAZINFORM — BQO ákiminiń ókimimen Eldos Nabıollauly Safýllın Batys Qazaqstan oblysy bilim basqarmasynyń basshysy bolyp taǵaıyndaldy.

BQO ákiminiń baspasóz qyzmetinen málim etkenindeı, Eldos Nabıollauly 1981 jyly dúnıege kelgen.

Bilimi joǵary, 2002 jyly M.Ótemisov atyndaǵy Batys Qazaqstan memlekettik ýnıversıtetin matematıka jáne ınformatıka mamandyǵy boıynsha bitirgen. Sondaı-aq 2014 jyly matematıka jaratylystaný ǵylymdary magıstri ataǵyn aldy.

Eldos Safýllın 2002-2004 jyldary atalmysh ýnıversıtette matematıka kafedrasynyń oqytýshysy, 2004-2005 jyldary Jáńgir han atyndaǵy Batys Qazaqstan agrarlyq-tehnıkalyq ýnıversıteti matematıka kafedrasynyń oqytýshysy, 2005-2012 jyldary M.Ótemisov atyndaǵy BQMÝ fızıka, matematıka jáne ınformatıka kafedrasynyń oqytýshysy qyzmetin atqardy.

Sondaı-aq 2012-2022 jyldary «Órleý» biliktilikti arttyrý ulttyq ortalyǵy» AQ BQO fılıaly dırektorynyń oqý-ádistemelik jumysy jónindegi dırektorynyń orynbasary boldy.

2022 jyldan osy ýaqytqa deıin «Oral aqparattyq tehnologııalar kolledji» MKQK dırektory qyzmetinde boldy.

Buǵan deıin bilim basqarmasynyń basshysy qyzmetin atqaryp kelgen Aıgúl Ádilgereıqyzy Myńbaeva ótken aıda zeınetke shyqqan bolatyn.

Eske sala keteıik, budan buryn Qaıyrjan Meńdiǵalıevtiń Batys Qazaqstan oblysy ákiminiń orynbasary bolǵanyn jazǵan edik.