Eldiń soltústiginde jaýyn jaýsa, ońtústiginde 40 gradýs ystyq bolady
ASTANA. KAZINFORM — Qazgıdromet 6-8 maýsym aralyǵyna arnalǵan aýa raıy boljamyn jarııalady.
Batys tsıklony Qazaqstan aýmaǵynyń basym bóligine óz áserin saqtaıdy. Soǵan baılanysty jańbyr jaýyp, naızaǵaı oınap, jel kúsheıip, ekpindi jáne daýyldy sıpat alýy, sondaı-aq burshaq túsýi kútiledi.
Nóser jaýyn:
- 6–8 maýsym kúnderi – eldiń batysynda;
- 6 maýsymda – qıyr soltústikte jáne ońtústik-shyǵysta;
- 8 maýsymda – soltústik-batysta boljanady.
Kezeńniń basynda eldiń shyǵysy men ortalyǵynda jaýyn-shashynsyz ystyq aýa raıy saqtalady.
Kúndiz aýa temperatýrasy:
- batysta +20…+30°S-qa deıin tómendeıdi;
- soltústikte +28…+35°S-qa deıin joǵarylaıdy;
- ortalyqta +30…+38°S qatty ystyq kútiledi;
- ońtústikte +35…+40°S qatty ystyq bolady;
- ońtústik-shyǵysta +30…+39°S qatty ystyq saqtalady;
- shyǵysta aýa temperatýrasynyń negizgi fony +30…+37°S aralyǵyndaǵy qatty ystyq bolady.
Aıta ketelik Qazaqstannyń 16 oblysy men úsh megapolısinde kún raıyna baılanysty eskertý jarııalanǵan edi.
