Eldiń soltústiginde salqyndaý, batysy men ońtústiginde 42 gradýsqa deıin ystyq bolady
ASTANA. KAZINFORM – Qazgıdromet 6–7 tamyzǵa arnalǵan Qazaqstan boıynsha aýa raıy boljamyn jarııalady.
Soltústik-batys tsıklony jáne onymen baılanysty atmosferalyq frontaldy júıeler Qazaqstannyń soltústigi men shyǵysynda aýa raıyna yqpalyn saqtaıdy. Osyǵan baılanysty jańbyr jaýyp, naızaǵaı oınaıdy, jel kúsheıedi, keı jerlerde burshaq jaýýy múmkin.
Soltústik óńirlerde aýa temperatýrasy jaıly deńgeıde saqtalady: kúndiz aýa temperatýrasy 22–27°S bolady.
Al batys jáne ońtústik óńirlerdiń turǵyndaryn aptap ystyqtyń kezekti tolqyny kútip tur. Iran aýmaǵynan keletin jyly aýa massalarynyń áserinen elimizdiń batysynda aýa temperatýrasy 34–39°S-qa deıin, al ońtústiginde 37–42°S-qa deıin kóterilip, qatty ystyq bolady.
Aıta ketelik búgin elimizdiń bir ǵana qalasynda aýa sapasy tómendeıdi.
