Eldiń soltústigi men shyǵysynda aýa temperatýrasy tómendeıdi - Qazgıdromet
ASTANA. KAZINFORM –Qazaqstanǵa belsendi tsıklondar kele jatyr, atmosferalyq aǵyndar jyljýyn jalǵastyryp, kún qubylmaly bolady, dep habarlaıdy «Qazgıdromet».
Kásiporynnyń derekterine qaraǵanda, aldaǵy kúnderi el aýmaǵyna frontaldy belsendiliktiń kezekti tolqyny áser etedi, jaýyn-shashyn jaýyp, naızaǵaı oınaıdy.
Qazaqstannyń batysynda, soltústiginde, 19-20 maýsymda soltústik-batysynda qatty jańbyr jaýyp, keı jerlerde burshaq túsýi múmkin.
Soltústik jáne shyǵys aımaqtarda kúndizgi ýaqytta ystyqtyń birtindep basylýy kútiledi — aýa temperatýrasy +20…+28 °C deıin tómendep, jaıly bolady.
Osyǵan deıin «Aqjaıyq» tabıǵı rezervatynda 1200 gektardy sharpyǵan qamys órti sóndirilgeni týraly jazdyq.
