Eldiń shyǵysynan jylqy urlap, ońtústikke satýmen aınalysqan qarýly top ustaldy
ÓSKEMEN. KAZINFORM – Shyǵys Qazaqstan oblysynda mal urlyǵymen aınalysqan qarýly top ustaldy.
Óńir polıtseıleri mal urlyǵymen aınalysqandardy qolǵa túsirdi. Olardyń 70-ten astam ret jylqy urlaǵany, mal etin eldiń ońtústigine aparyp satqany anyqtaldy. Sonyń saldarynan keltirilgen shyǵyn kólemi 47 mln teńgeden asady.
«Tártip saqshylary kúdiktilerdi jedel izdestirý sharalary barysynda ustady. Tórt kúdikti birlese áreket etken. Mal basynyń bir bóligi tárkilendi. Tergeý barysynda mal urlaýshylardyń ıesiz jylqylardy izdegeni, keıin mal ustaý oryndaryna jetkizip, ary qaraı júk kólikterimen basqa aımaqtaǵy bazarlarǵa tasymaldanǵany anyqtaldy», - dep habarlady ShQO Polıtsııa departamentinen.
Sonymen qatar ustalǵandardan atys qarýynyń birneshe túri jáne 60-tan astam patron tárkilendi. Qazirgi ýaqytta olar boıynsha saraptama taǵaıyndaldy.
«Aıyptalýshylar sot sanktsııasymen qamaldy. Tergeý amaldary jalǵasyp jatyr. Kúdiktilerdiń osyǵan uqsas basqa da qylmystarǵa qatysy bar-jaǵy tekserilip jatyr», - delingen aqparatta.
