Eldiń kópvektorly saıasaty – strategııalyq jetistik – brıtandyq sarapshy
ASTANA. KAZINFORM – Eýropa men Azııa arasyndaǵy saýda baılanystaryn damytýda Qazaqstannyń tranzıttik áleýeti men iri saıası memlekettermen teńgerimdi qarym-qatynasy sheshýshi ról atqarady. Bul týraly ulybrıtanııalyq Chatham House halyqaralyq qatynastar ınstıtýtynyń sarapshysy Tımotı Esh aıtty.
Sarapshynyń pikirinshe, qazirgideı geosaıası teketires kúsheıgen zamanda Qazaqstannyń ashyq saıasaty men ekonomıkalyq kúsh-qýaty sheteldik seriktester úshin basty artyqshylyq bolyp otyrǵanyn atap ótti.
– Qazirgi kúrdeli ári kóppolıarly álemde Qazaqstan kóptegen memleketter úshin ártaraptandyrý alańy bolyp otyr. Eldiń energetıka jáne shıkizat eksporttaýshy retindegi áleýeti joǵary. Sonymen qatar Qazaqstan AQSh, Qytaı jáne Reseımen birdeı jaqsy qarym-qatynas ornata alǵan sanaýly elderdiń biri. Bul – úlken jetistik. Sondaı-aq búginde Eýropa ekonomıkalyq jáne qaýipsizdik máselelerinde táýeldilikten arylýǵa umtylyp jatqan tusta, Qazaqstan Eýropa men Azııa arasyndaǵy negizgi saýda dálizi retinde mańyzdy ról atqara bastady, – dedi Tımotı Esh.
Aıta keteıik, Estonııada Qazaqstannyń ıadrolyq qarýsyzdaný saıasaty tanystyryldy.
