Eldiń eki óńirinde jazǵy dóńgelekpen jolǵa shyqqandarǵa shekteý qoıyldy
ASTANA. KAZINFORM — 2026 jylǵy 8 qarashada aýa raıynyń qolaısyzdyǵyna baılanysty Aqmola jáne Pavlodar oblystaryndaǵy respýblıkalyq mańyzy bar avtojoldardyń birneshe ýchaskesinde qozǵalysqa shekteý qoıylady.
«QazAvtoJol»-dyń habarlaýynsha, shekteý saǵat 17:20–dan bastap jazǵy dóńgelekpen júrgen kólikterdiń barlyq túrine qatysty engiziledi.
Aqmola oblysynda:
-
«Astana — Kókshetaý — Petropavl — RF shekarasy» avtojolynyń 18-232-shaqyrym aralyǵy (Astanadan Şýchınskke deıin);
-
«Astana — Shiderti — Pavlodar — Ýspenka — RF shekarasy» avtojolynyń 16-200-shaqyrym aralyǵy (Astanadan Pavlodar oblysynyń shekarasyna deıin).
Pavlodar oblysynda:
-
«Astana — Shiderti — Pavlodar — Ýspenka — RF shekarasy» avtojolynyń 200-254-shaqyrym aralyǵy (Aqmola oblysynyń shekarasynan Shiderti kentine deıin).
Joldy 9 qarasha saǵat 09:00–de ashý josparlanǵan.
Qosymsha aqparatty 1403 baılanys ortalyǵynan táýlik boıy alýǵa bolady.
