Eldiń birqatar óńirinde qar jaýyp, kóktaıǵaq bolady
ASTANA. KAZINFORM — Qazgıdromet 13–15 qazanǵa arnalǵan el aýmaǵy boıynsha aýa raıy boljamyn jarııalady.
Aldaǵy kúnderi atmosferalyq fronttardyń ótýine baılanysty Qazaqstannyń basym bóliginde jańbyr aralas qar jaýady. 15 qazanda eldiń shyǵysy men ońtústik-shyǵysynda keı ýaqyttarda nóser jaýyn (jańbyr, qar) bolady.
15 qazanda eldiń shyǵysy men soltústiginde kóktaıǵaq kútiledi. Tek respýblıkanyń ortalyǵy men ońtústiginde jaýyn-shashynsyz aýa raıy boljanady. Respýblıka boıynsha jel kúsheıip, túngi jáne tańǵy saǵattarda tuman kútiledi.
Aýa temperatýrasynyń tómendeýi elimizdiń basym bóliginde boljanady:
-
Soltústik-batysta: kúndiz +10…+22°S;
-
Soltústikte: túnde -1…-6°S, kúndiz +3…+13°S;
-
Ortalyqta: túnde -6…+3°S, kúndiz +4…+15°S;
-
Shyǵysta: túnde -5…+5°S, kúndiz -1…+9°S;
-
Ońtústik-shyǵysta: túnde +5…+10°S, taýly aýdandarda -2…+3°S, kúndiz +10…+22°S, taýly aýdandarda +5…+10°S.
