Eldiń biraz óńiri jaýyn-shashynsyz bolady

ASTANA. KAZINFORM – Qazgıdromet 9 qazan, beısenbige arnalǵan aýa raıy boljamyn jarııalady.

Sınoptıkter joǵary qysym órisiniń áserinen elde biraz óńir jaýyn-shashynsyz bolady dep boljady. Tek soltústik-shyǵysta jáne ońtústiktiń taýly aımaqtarynda atmosferalyq frontaldy bólimder ótip, jańbyr men qar túrinde azdaǵan jaýyn-shashyn bolady.

Eldiń ońtústik-batysynda, ońtústiginde, batysynda jel kúsheıedi, ońtústiginde shańdy daýyl, soltústiginde, ortalyǵynda, ońtústik-shyǵysynda túngi jáne tańerteńgi ýaqytta tuman bolady.

Jetisý oblysynda 1-6 gradýs úsik júredi. Almaty oblysynyń soltústiginde, ońtústiginde, Jambyl oblysynyń batysynda, soltústiginde, ońtústiginde, taýly aýdandarynda 1-3 gradýs aıaz bolady.

Mańǵystaý oblysynda, Batys Qazaqstan oblysynyń soltústiginde, ortalyǵynda joǵary órt qaýpi bar. 

Atyraý oblysynyń soltústik-shyǵysynda, Aqtóbe oblysynyń ońtústiginde, soltústiginde de joǵary órt qaýpi boljanǵan. Mundaı meteorologııalyq jaǵdaı Jambyl oblysynyń ortalyǵynda, Qostanaı oblysynyń ońtústiginde, Ulytaý oblysynyń shyǵysynda, Abaı oblysynyń ońtústiginde kútiledi.

Qyzylorda oblysynda, Túrkistan oblysynyń batysynda, soltústiginde, ońtústiginde, shóldi aýdandarynda, Atyraý oblysynyń soltústiginde, ońtústiginde, shyǵysynda tótenshe órt qaýpi bar.

Jambyl oblysynyń batysynda, soltústiginde, Batys Qazaqstan oblysynyń soltústik-batysynda, ońtústiginde, ońtústik-shyǵysynda tótenshe órt qaýpi bolady.

Sondaı-aq Aqtóbe oblysynyń batysynda, soltústik-shyǵysynda, ortalyǵynda, Almaty oblysynyń soltústiginde, Ulytaý oblysynyń ońtústiginde tótenshe órt qaýpi boljandy.

Bıyl Soltústik Qazaqstan oblysynda egin oraǵyn sýyq aýa raıy men dızel sapasy tejep tur.