Eldiń bir bóliginde jaýyn jaýyp, basqa óńirlerde kún ashylady
ASTANA. KAZINFORM — Soltústik-batys tsıklony men atmosferalyq fronttardyń áserinen eldiń soltústigi men shyǵysynyń jekelegen aýdandarynda, sondaı-aq ońtústik-shyǵystyń taýly aımaqtarynda aýa raıy turaqsyz bolady: jańbyr jaýyp, keı jerlerde naızaǵaı oınap, jel kúsheıedi.
16 qyrkúıekten bastap batys tsıklonynyń áserinen elimizdiń batys óńirlerinde jaýyn-shashyn jáne jeldiń kúsheıýi boljanady, al 17 qyrkúıekte jekelegen aýdandarda nóser jańbyr jáne burshaq jaýýy múmkin.
Qazaqstannyń qalǵan aýmaǵynda antıtsıklonnyń áserinen jaýyn-shashynsyz aýa raıy kútiledi, aýa temperatýrasy birtindep kóteriledi.
Kúndiz Qazaqstannyń soltústigi men ortalyǵynda aýa temperatýrasy birtindep +20+27 °S-qa deıin kóteriledi.
Sonymen qatar respýblıkanyń batysynda, shyǵysynda jáne ońtústik-shyǵysynda aýa temperatýrasynyń tómendeýi kútiledi: batysta +19+30 °S-qa, shyǵysta +18+25 °S-qa, ońtústik-shyǵysta +22+28 °S-qa deıin.
