Eldiń basym bóliginde jel kúsheıip, jańbyr jaýady - Qazgıdromet

ASTANA. KAZINFORM – «Qazgıdromet» maýsymnyń 9-y kúngi kún raıy boljamyn jarııalady.

Kásiporynnyń derekterine qaraǵanda, tsıklon jáne onymen baılanysty atmosferalyq frontaldy bólikter áli de Qazaqstannyń basym bóligine yqpal etedi.

Eldiń basym bóliginde naızaǵaı oınap, jańbyr jaýyp, burshaq jaýyp, jel kúsheıedi, shyǵysta qatty jańbyr bolady. Túngi jáne tańerteńgi ýaqytty elimizdiń soltústiginde tuman túsedi.

Almaty, Qaraǵandy, Ulytaý, Jetisý oblystarynda, Batys Qazaqstan oblysynyń soltústiginde, ońtústiginde, Pavlodar oblysynyń batysynda, Aqtóbe oblysynyń soltústiginde, ortalyǵynda, Jambyl oblysynyń soltústiginde, ońtústiginde, shyǵysynda, Mańǵystaý oblysynyń soltústik-batysynda, ońtústik-shyǵysynda, ortalyǵynda, Aqmola oblysynyń ońtústiginde, Qostanaı oblysynyń soltústik batysynda, ońtústik shyǵysynda, ortalyǵynda, Shyǵys Qazaqstan oblysynyń batysynda, ońtústik batysynda, ońtústik shyǵysynda, Abaı oblysynyń batysynda, soltústiginde, shyǵysynda, ortalyǵynda joǵary órt qaýpi saqtalady.

Qyzylorda, Jambyl, Túrkistan, Atyraý oblystarynda, Aqtóbe oblysynyń batysynda, ońtústiginde, ońtústik shyǵysynda, Batys Qazaqstan oblysynyń ońtústik shyǵysynda, Almaty oblysynyń batysynda, soltústiginde, Mańǵystaý oblysynyń soltústiginde, shyǵysynda, Qostanaı, Abaı, Ulytaý oblystarynyń ońtústiginde, Jetisý oblysynyń soltústiginde, shyǵysynda tótenshe órt qaýpi kútiledi.

Osyǵan deıin Qazaqstan óńirlerinde órt qaýpi saqtalatyny týraly jazdyq.