Eldiń basym bóliginde jel kúsheıedi — Qazgıdromet

ASTANA. KAZINFORM — Qazaqstannyń birneshe oblysynda jaýyn-shashyn, tuman, jelge baılanysty daýyldy eskertý jasaldy, dep habarlaıdy «Qazgıdromet» RMK.

Jetisý oblysynyń shyǵysynda, taýly aýdandarynda kúndiz naızaǵaı oınaıdy. Soltústik-batystan jel soǵady, oblystyń shyǵysynda ekpini 15-20 m/s deıin jetedi.

Túnde jáne tańerteń Qostanaı oblysynyń batysynda, ońtústiginde tuman túsedi.

Kúndiz Jambyl oblysynyń taýly aýdandarynda naızaǵaı oınaıdy. Oblystyń ońtústigin, taýly aýdandaryn tuman basady. Soltústik-shyǵystan jel soǵady, oblystyń taýly aýdandarynda 15-20 m/s deıin jetedi.

Kúndiz Qaraǵandy oblysynyń soltústiginde naızaǵaı oınaıdy. Túnde jáne tańerteń oblystyń batysynda, soltústiginde, shyǵysynda tuman túsedi. Qaraǵandy qalasynda kúndiz naızaǵaı kútiledi. Túnde jáne tańerteń tuman basady.

Túnde Shyǵys Qazaqstan oblysynyń soltústiginde, shyǵysynda jaýyn-shashyn (kóbinese jańbyr) quıady. Oblystyń ońtústiginde, batysynda naızaǵaı kútiledi. Jel ońtústik-batystan soǵady, oblystyń ońtústiginde, shyǵysynda 15-20 m/s deıin jetýi yqtımal.

Astana qalasynda túnde jáne tańerteń tuman túsedi.

Túnde jáne tańerteń Ulytaý oblysynyń soltústiginde, shyǵysynda, ortalyǵynda tuman kútiledi. Jezqazǵan qalasynda túnde jáne tańerteń tuman túsedi.

Kúndiz Aqmola oblysynyń batysynda, ońtústiginde, shyǵysynda naızaǵaı oınaıdy. Túnde jáne tańerteń tuman túsedi. Kókshetaý qalasynda túnde jáne tańerteń tuman kútiledi.

Aqtóbe oblysynda ońtústik-shyǵystan, ońtústikten jel soǵady, oblystyń ońtústiginde, shyǵysynda ekpini 15-20 m/s deıin barady.

Túnde Batys Qazaqstan oblysynyń batysynda, ońtústiginde, soltústiginde naızaǵaı oınaıdy. Jel soltústik-batystan soǵady, túnde oblystyń batysynda, soltústiginde, ońtústiginde ekpini 15-20 m/s deıin jetýi múmkin. Oral qalasynda túnde naızaǵaı kútiledi. Jel soltústik-batystan soǵady, túnde ekpini 18 m/s deıin barady.

Qyzylorda oblysynyń batysynda, soltústiginde naızaǵaı oınap, daýyl kóteriledi. Jel shyǵystan soǵady, oblystyń soltústiginde, ortalyǵynda ekpini 15-20 m/s jetip, shańdy daýyl turady.

Túnde Abaı oblysynyń soltústiginde naızaǵaı oınaıdy. Jel soltústik-batystan soǵady, oblystyń soltústiginde, ońtústiginde, ortalyǵynda 15-20 m/s deıin jetedi. Semeı qalasynda túnde naızaǵaı oınaıdy.

Kúndiz Mańǵystaý oblysynyń soltústik-shyǵysynda, ortalyǵynda naızaǵaı kútiledi. Túnde jáne tańerteń oblystyń ońtústik-batysynda tuman túsedi. Soltústik-batystan, soltústikten jel soǵady, túnde jáne tańerteń oblystyń batysynda jyldamdyǵy 15-20 m/s deıin jetýi yqtımal.

Atyraý oblysynda ońtústik-shyǵystan soltústik-batysqa aýysyp jel soǵady, oblystyń soltústiginde, batysynda, ońtústiginde ekpini 15-20 m/s deıin barýy múmkin. Atyraý qalasynda ońtústik-shyǵystan soltústik-batysqa aýysyp jel soǵady, túnde ekpini 15-18 m/s deıin jetedi.

Túnde jáne tańerteń Pavlodar oblysynyń ońtútiginde, shyǵysynda tuman túsedi.

Soltústik Qazaqstan oblysynyń batysyn, soltústigin, ońtústigin tuman basady. Petropavl qalasynda túnde jáne tańerteń tuman kútiledi.

Osyǵan deıin Aqtóbede osy aıda kún jaýyn-shashyndy bolatyny aıtyldy.