Eldiń basym bóliginde jaýyn jaýady
ASTANA. KAZINFORM – Aýa raıyna baılanysty el boıynsha búgingi kúnge eskertý jarııalandy.
Astanada jańbyr jaýyp, naızaǵaı oınaıdy. Almatyda qysqa merzimdi jańbyr, naızaǵaı, tótenshe órt qaýpi saqtalady. Shymkentte jańbyr jaýyp, naızaǵaı bolyp, ekpindi jel bolady 15–20 m/s deıin.
Almaty, Jetisý, Pavlodar, Aqmola, Shyǵys Qazaqstan, Abaı, Qaraǵandy, Ulytaý, Soltústik Qazaqstan, Jambyl jáne Túrkistan oblystarynyń keıbir aýdandarynda nóser jaýyn jaýyp, naızaǵaı bolyp, burshaq jáne daýyl kútiledi.
Batys jáne ońtústik óńirlerde aýa temperatýrasy +35…+42 °C deıin kóteriletin qatty ystyq kútiledi. Birqatar oblysta joǵary jáne tótenshe órt qaýpi saqtalady.
