Eldiń basym bóliginde jaýyn-shashyndy bolady

ASTANA. KAZINFORM – «Qazgıdromet» RMK-sy Qazaqstannyń birqatar óńirinde aýa raıyna baılanysty eskertý jarııalady. 

Jetisý oblysynyń ońtústiginde naızaǵaı kútiledi. Shyǵysynda soltústik-shyǵys jeli soǵyp, kúndiz ekpini 25 m/s-qa deıin jetedi. Taldyqorǵanda joǵary órt qaýpi saqtalady.

Aqmola oblysynda túnde batys pen ońtústikte, kúndiz oblys aýmaǵynda naızaǵaı, keı jerlerde burshaq jaýady. Batys pen ońtústikte jel ekpini 15-20 m/s. Kókshetaýda kúndiz naızaǵaı. Ońtústikte órt qaýpi joǵary.

Qaraǵandy oblysynyń soltústik, ońtústik jáne batys bóliginde naızaǵaı bolyp, batysta burshaq jaýady. Jel kúndiz batysta 15 m/s. Órt qaýpi joǵary, batysta óte joǵary. Qaraǵandyda kúndiz naızaǵaı bolady.

Ulytaý oblysynyń soltústik, shyǵys jáne ortalyǵynda naızaǵaı bolyp, keı jerlerde burshaq jaýady. Jel ekpini 15 m/s. Joǵary, ońtústikte óte joǵary órt qaýpi. Jezqazǵanda naızaǵaı bolady.

Qyzylorda oblysynyń soltústik pen ortalyǵynda naızaǵaı bolyp, shańdy daýyl turady. Jel 15-20 m/s. Oblys boıynsha óte joǵary órt qaýpi saqtalady. Qyzylordada da osyndaı jaǵdaı.

Mańǵystaý oblysynyń soltústik-shyǵysynda naızaǵaı bolyp, túnde jáne tańerteń batysyn tuman basady. Órt qaýpi óte joǵary.

Aqtóbe oblysynyń soltústik, shyǵys jáne ońtústiginde naızaǵaı bolyp, ońtústikte burshaq jaýýy múmkin. Jel 15-20 m/s. Órt qaýpi barlyq aımaǵynda óte joǵary. Aqtóbede naızaǵaı bolady.

Atyraý oblysynyń batys, shyǵys, ońtústiginde naızaǵaı bolady. Jel 15-20 m/s. 35–38°C ystyq bolady. Órt qaýpi óte joǵary. Atyraýda naızaǵaı jarqyldap, 35°C ystyq bolady.

Shyǵys Qazaqstan oblysynda jel ekpini 15-18 m/s jetedi. Ońtústikte órt qaýpi joǵary bolady.

Abaı oblysynda jel ekpini 15-18 m/s jetedi. Kúndiz 35°C ystyq bolady. Órt qaýpi joǵary, ońtústigi men ońtústik-batysynda – óte joǵary. Semeıde de órt qaýpi joǵary bolady.

Soltústik Qazaqstan oblysynda batys, soltústik, ońtústiginde naızaǵaı bolyp, kúndiz burshaq jaýady. Túnde jáne tańerteń batysta tuman túsedi. Jel ekpini 15-20 m/s jetedi. Órt qaýpi joǵary. Petropavlda naızaǵaı bolyp, jel ekpini 20 m/s jetedi.

Qostanaı oblysynyń batys pen soltústiginde nóser jańbyr jaýyp, naızaǵaı oınap, burshaq jaýady. Jel ekpini 15-20 m/s jetedi. Órt qaýpi joǵarybolady. Qostanaıda naızaǵaı, jel ekpini 20 m/s jetedi.

Pavlodar oblysynyń batys pen ońtústiginde órt qaýpi joǵary.

Jambyl oblysynyń soltústik, ońtústik jáne taýly aýdandarynda naızaǵaı bolady. Jel ekpini 15-20 m/s jetedi. Órt qaýpi óte joǵary, bolady. Tarazda naızaǵaı bolady.

Batys Qazaqstan oblysynyń batysynda naızaǵaı bolyp, jel ekpini 15-20 m/s jetedi. Kúndiz 35–37°C ystyq bolady. Oralda 35°C ystyq bolady.

Túrkistan oblysynyń taýly aımaqtarynda naızaǵaı bolyp, daýyl turady. Jel ekpini 15-20 m/s jetedi. Shymkentte de naızaǵaı men jel turady.

Almaty oblysynyń ońtústigi men taýly aımaqtarynda naızaǵaı bolady. Jel ekpini 15-20 m/s jetedi. Almatyda túnde naızaǵaı bolady. Qonaevta kúndiz 35°C ystyq bolady.