Eldiń basym bóliginde jańbyr jaýyp, naızaǵaı oınaıdy - Qazgıdromet

ASTANA. KAZINFORM – «Qazgıdromet» RMK-sy sáýirdiń 28-i kúngi kún raıy boljamyn jarııalady.

Búgin Qazaqstannyń basym bóligin naızaǵaı oınap, jańbyr jaýady, eldiń soltústiginde, soltústik batysynda qatty nóser jaýyn jaýady, respýblıkanyń batysynda, soltústiginde, ortalyǵynda burshaq jaýýy múmkin.

Respýblıka boıynsha jel kúsheıip, ońtústikte, ońtústik batysta, soltústik batysta shańdy daýyl turyp, eldiń soltústiginde, batysynda, ońtústik-shyǵysynda túngi jáne tańerteńgi ýaqytta tuman túsedi.

Qyzylorda, Túrkistan oblystarynyń soltústik shyǵysynda, Mańǵystaý oblysynyń shyǵysynda, Jambyl oblysynyń soltústiginde, batysynda, Aqtóbe oblysynyń ońtústiginde Atyraý oblysynyń soltústiginde, Almaty oblysynyń batysynda joǵary órt qaýpi saqtalady.

Osyǵan deıin Qarqaraly ulttyq tabıǵı parkiniń aýmaǵyndaǵy órt oqshaýlanǵany týraly jazdyq.