Eldiń basym bóliginde jańbyr jaýyp, batysta aptap ystyq kúsheıedi
ASTANA. KAZINFORM – Qazgıdromet 23-25 shildege arnalǵan Qazaqstan boıynsha aýa raıy boljamyn jarııalady.
Qazaqstan aýmaǵy arqyly jyljyp jatqan soltústik-batys tsıklony eldiń basym bóliginde jańbyr men naızaǵaı alyp keledi. Keı óńirlerde nóser jańbyr jaýyp, burshaq túsýi múmkin.
Sýyq aýa massalarymen tolyqqan tsıklon jaýyn-shashynmen qatar aýa temperatýrasynyń tómendeýine de sebep bolady.
Al elimizdiń batys óńirlerine Iran aýmaǵynan jyly ári qurǵaq aýa massasy kele bastaıdy. Sonyń áserinen jaýyn-shashyn toqtap, kún kúrt ysıdy. Kúndiz aýa temperatýrasy 34–39 gradýsqa, al jekelegen aýdandarda 40–44 gradýsqa deıin kóteriledi.
Aıta ketelik 500-ge tarta sel qaýpi bar ýchaske baqylaýǵa alynǵan edi.
