Eldiń basym bóliginde daýyldy eskertý jarııalandy
ASTANA. KAZINFORM — 25 sáýir kúni Qazaqstannyń 16 óńiri men Astanada daýyldy eskertý jarııalandy, dep habarlaıdy «Qazgıdromet» RMK.
Astanada kúndiz naızaǵaı bolady.
Abaı oblysynda túnde shyǵysynda jáne ońtústiginde tuman bolady. Aıagóz aýdanynda kúndiz soltústik-shyǵystan soqqan jeldiń ekpini 15-20 m/s. Túnde oblystyń soltústiginde, shyǵysynda jáne ortalyǵynda 3°S úsik júredi.
Atyraý oblysynda túnde batysy men shyǵysynda naızaǵaı oınap, batysynda túnde jáne tańerteń tuman túsedi.
Almaty oblysynda kúndiz ońtústigi men taýly aýdandarynda naızaǵaı oınap, soltústik jáne shyǵysynda kúndiz jel ekpini 15-20 m/s jetedi.
Aqmola oblysynda kúndiz ońtústigi men shyǵysynda naızaǵaı kútiledi.
Aqtóbe oblysynda batysy, soltústigi jáne ońtústiginde naızaǵaı bolyp, jel ońtústik-shyǵystan ońtústik-batysqa aýysyp, keı jerde 15-20 m/s jetedi.
Jambyl oblysynda taýly aımaqtarda tuman túsip, tańerteń jáne kúndiz jel ekpini 15-20 m/s jetedi.
Jetisý oblysynda kúndiz taýly aýdandarda naızaǵaı bolyp, túnde jáne tańerteń soltústigi men taýly aımaqtarda tuman túsedi.
Batys Qazaqstan oblysynda batysy, soltústigi jáne ońtústiginde naızaǵaı oınap, jel ekpini 15-20 m/s jetedi.
Qaraǵandy oblysynda soltústigi, batysy men ortalyǵynda kúndiz naızaǵaı bolyp, túnde jáne tańerteń tuman túsedi.
Qostanaı oblysynda soltústik-batysy men shyǵysynda naızaǵaı oınap, túnde jáne tańerteń tuman túsedi. Kúndiz batysy men ońtústiginde jel ekpini 15 m/s jetedi.
Qyzylorda oblysynda soltústigi men ortalyǵynda kúndiz shańdy daýyl turyp, jel ekpini 15-20 m/s jetedi.
Shyǵys Qazaqstan oblysynda túnde shyǵysynda jańbyr men qar jaýyp, soltústigi men shyǵysynda tuman túsip, úsik 3°S júredi.
Mańǵystaý oblysynda túnde soltústik-shyǵysynda naızaǵaı oınap, batysyn tuman basady. Soltústik-shyǵysynda jel ekpini 15-20 m/s jetedi.
Pavlodar oblysynda túnde jáne tańerteń soltústik-shyǵysyn tuman basyp, shyǵysynda úsik 3°S júredi.
Soltústik Qazaqstan oblysynda túnde batysy men soltústiginde, kúndiz batysy, soltústigi jáne ońtústiginde naızaǵaı bolady. Kúndiz jel ekpini 15-20 m/s, keı jerde 23 m/s deıin jetedi.
Ulytaý oblysynda kúndiz shyǵysynda naızaǵaı kútiledi.