Eldiń basym bóliginde aýa raıyna baılanysty eskertý jarııalandy
ASTANA. KAZINFORM – Sınoptıkter 8 qańtar kúni Qazaqstannyń 15 oblysynda jáne Astanada aýa raıynyń qolaısyzdyǵyna baılanysty eskertý jarııalady.
Astanada 8 qańtarda túnde jáne tańerteń tuman bolady.
Aqmola oblysynyń batysynda, ońtústiginde jáne shyǵysynda tuman bolady.
Ulytaý oblysynyń soltústiginde, shyǵysynda jáne ortalyǵynda tuman kútiledi.
Atyraý oblysynyń batysynda, ońtústiginde jáne shyǵysynda tuman men kóktaıǵaq boljanady. Oblystyń shyǵysynda ońtústik-shyǵystan soǵatyn jeldiń ekpini 15–20 m/s-ke deıin jetedi.
Mańǵystaý oblysynyń soltústigi men ortalyǵynda tuman bolady.
Aqtóbe oblysynda túnde batysy men soltústiginde kóktaıǵaq kútiledi. Oblystyń soltústiginde, shyǵysynda jáne ońtústiginde tuman bolady. Kúndiz ońtústik-shyǵystan soǵatyn jel ortalyq pen batysta 15 m/s-ke deıin kúsheıedi.
Qaraǵandy oblysynyń batysynda, soltústiginde jáne ońtústiginde tuman bolady.
8–9 qańtarda Jambyl oblysynyń soltústiginde, ońtústiginde jáne taýly aýdandarynda tuman men kóktaıǵaq bolady.
Túrkistan oblysynyń batysynda, soltústiginde, ońtústiginde jáne taýly aýdandarynda tuman kútiledi.
Batys Qazaqstan oblysynda túnde soltústiginde, ońtústiginde jáne shyǵysynda azdaǵan qar jaýady, kúndiz jańbyr men qar túrinde jaýyn-shashyn bolady. Soltústik, ońtústik jáne shyǵys bólikterinde tómengi deńgeıdegi boran men kóktaıǵaq kútiledi. Batysynda, soltústiginde jáne ońtústiginde tuman bolady. Ońtústik-shyǵystan soǵatyn jeldiń ekpini 15–20 m/s-ke deıin jetedi.
Pavlodar oblysynyń soltústigi men shyǵysynda azdaǵan qar jáne jaıaý boran bolady, shyǵysynda tuman bolady. Batystan soǵatyn jel túnde 15–20 m/s-ke deıin kúsheıedi.
Abaı oblysynda túnde jáne tańerteń soltústiginde, ońtústiginde jáne ortalyǵynda qar men jaıaý boran kútiledi. Shyǵysy men ońtústiginde tuman bolady. Jel ońtústik-batystan soǵyp, ońtústik-shyǵysqa aýysady, túnde soltústigi men ortalyǵynda 15–20 m/s-ke deıin kúsheıedi.
Shyǵys Qazaqstan oblysynyń soltústiginde, shyǵysynda jáne ońtústiginde qar men boran bolady. Soltústiginde, ońtústiginde jáne ortalyǵynda tuman kútiledi. Batys jáne soltústik-batystan soǵatyn jel kúndiz oblystyń ońtústigi men ońtústik-shyǵysynda 15–20 m/s-ke deıin kúsheıedi.
Soltústik Qazaqstan oblysynyń batysynda kúndiz qar men boran, soltústiginde azdaǵan qar jáne boran bolady dep boljanyp otyr. Jel soltústik-batystan soǵyp, ońtústik-batysqa aýysady, ekpini 15–20 m/s.
Qostanaı oblysynda tańerteń jáne kúndiz batysy men soltústiginde qar jaýyp, boran soǵady. Batysy men ońtústiginde tuman kútiledi.
Almaty oblysynyń ońtústiginde jáne taýly aýdandaryn tuman basady. Soltústik-shyǵystan soǵatyn jeldiń batys pen shyǵystaǵy ekpini 15–20 m/s-ke deıin jetedi.
Aıta ketelik aldaǵy úsh kúnge arnalǵan aýa raıy boljamy usynylǵan edi.
