Eldiń basym bóliginde aýa raıy kúrt buzylady
ASTANA.KAZINFORM — 8 qarashada eldiń 17 oblysynda, sondaı-aq Astana men Almaty qalalarynda aýa raıyna baılanysty eskertý jarııalandy. Sınoptıkter jaýyn-shashyn, kóktaıǵaq, tuman, jeldiń kúsheıýi jáne joǵary órt qaýpi bolatynyn boljaıdy.
Ulytaý oblysynyń soltústiginde, shyǵysynda jáne ortalyǵynda tuman túsedi. Soltústik-shyǵystan soqqan jel ońtústik-shyǵysqa aýysady. Kúndiz oblystyń shyǵysynda jel ekpini 15–20 m/s-qa jetedi. Jezqazǵanda tuman bolady.
Jetisý oblysynda Alakól kólderi aýdanynda ońtústik-shyǵystan soǵatyn jeldiń ekpini 23–28 m/s, keı ýaqytta 30 m/s jáne odan da joǵary bolady.
Qaraǵandy oblysynyń soltústigi men shyǵysynda tuman kútiledi. Ońtústik-batystan soǵatyn jel kúndiz oblystyń batysy men ortalyǵynda 15 m/s-qa deıin kúsheıedi. Óńirdiń batysynda tótenshe órt qaýpi saqtalady. Qaraǵandyda tuman bolady.
Jambyl oblysynyń taýly aýdandarynda tuman kútiledi. Ońtústik-shyǵystan soǵatyn jeldiń ekpini taýly aýdandarda 15–20 m/s bolady. Oblystyń soltústiginde, ońtústiginde jáne shyǵysynda joǵary órt qaýpi saqtalady. Taraz qalasynda da joǵary órt qaýpi bar.
Túrkistan oblysynyń taýly aýdandarynda túnde jáne tańerteń tuman kútiledi. Ońtústik-shyǵystan soǵatyn jeldiń jyldamdyǵy 8–13 m/s, kúndiz oblystyń batysynda, ońtústiginde jáne taýly aýdandarynda ekpini 15–20 m/s bolady. Óńirdiń soltústiginde, batysynda jáne ońtústiginde joǵary órt qaýpi saqtalady. Túrkistan qalasynda kúndiz jel ekpini 15–20 m/s-qa jetip, joǵary órt qaýpi saqtalady.
Mańǵystaý oblysynda jańbyr jaýady. Óńirdiń batysy men ortalyǵynda qatty jańbyr kútiledi. Soltústik-shyǵystan soǵatyn jeldiń ekpini oblystyń batysy men ortalyǵynda 15–20 m/s bolady. Aqtaýda jańbyr jaýyp, túnde keı ýaqytta qatty jaýyn-shashyn túsedi. Kúndiz jel ekpini 15–20 m/s-qa jetedi.
Soltústik Qazaqstan oblysynyń batysynda, shyǵysynda jáne ońtústiginde kúndiz jańbyr men qar túrinde jaýyn-shashyn kútiledi. Soltústiginde azdaǵan jaýyn-shashyn bolady. Kóktaıǵaq boljanady. Túnde jáne tańerteń oblystyń batysynda, soltústiginde jáne shyǵysynda tuman túsedi. Petropavlda kúndiz azdaǵan jaýyn-shashyn, kóktaıǵaq bolýy múmkin. Túnde jáne tańerteń tuman bolady.
Aqtóbe oblysynyń ońtústiginde, shyǵysynda jáne ortalyǵynda túnde jańbyr men qar aralas jaýyn-shashyn túsip, kóktaıǵaq bolady. Kúndiz jaýyn-shashyn kútiledi, oblys ortalyǵynda keı ýaqytta qatty jaýady. Soltústigi men shyǵysynda kóktaıǵaq bolady. Óńirdiń shyǵysy men ońtústiginde tótenshe órt qaýpi saqtalady. Aqtóbede kúndiz jańbyr men qar aralas jaýyn-shashyn túsip, kóktaıǵaq bolady.
Aqmola oblysynda kúndiz jańbyr men qar jaýady. Batysynda, soltústiginde jáne ońtústiginde keı ýaqytta qatty jaýyn-shashyn túsedi. Kóktaıǵaq kútiledi. Túnde jáne tańerteń oblystyń ońtústigi men shyǵysynda tuman bolýy múmkin. Ońtústik-batystan, ońtústik-shyǵystan soǵatyn jel kúndiz ońtústigi men shyǵysynda 15–20 m/s-qa deıin kúsheıedi. Kókshetaýda kúndiz jańbyr men qar túrinde jaýyn-shashyn, keı ýaqytta qatty jaýyn-shashyn kútiledi.
Batys Qazaqstan oblysynyń batysynda, soltústiginde jáne ońtústiginde túnde jańbyr men qar jaýady. Túnde jáne tańerteń tuman túsip, kóktaıǵaq bolady. Oralda da túnde jańbyr men qar aralas jaýyn-shashyn, tuman jáne kóktaıǵaq kútiledi.
Atyraý oblysynyń shyǵysynda keı ýaqytta jańbyr men qar túrinde qatty jaýyn-shashyn bolady. Túnde jáne tańerteń oblystyń batysy men ońtústiginde tuman kútiledi. Soltústik-shyǵystan, shyǵystan soǵatyn jel oblystyń ońtústigi men shyǵysynda 15–20 m/s-qa deıin kúsheıedi. Óńirdiń soltústik-batysynda joǵary órt qaýpi saqtalady.
Astanada kúndiz jańbyr jaýyp, keı ýaqytta qatty nóser bolady. Túnde jáne tańerteń tuman kútiledi. Ońtústik-shyǵystan soǵatyn jeldiń ekpini kúndiz keı ýaqytta 15 m/s-qa jetedi.
Qostanaı oblysynyń batysy men ońtústik-batysynda túnde jańbyr men qar jaýyp, kóktaıǵaq bolady. Kúndiz jaýyn-shashyn kútiledi. Oblystyń ońtústigi men shyǵysynda qatty jaýyn-shashyn túsedi. Kóktaıǵaq bolady. Óńirdiń batysy men soltústiginde tuman túsýi múmkin. Ońtústik-batysynda joǵary órt qaýpi saqtalady.
Pavlodar oblysynyń soltústigi men ortalyǵynda túnde jáne tańerteń tuman túsedi.
Abaı oblysynyń shyǵysynda túnde jáne tańerteń tuman bolady. Ońtústik-shyǵystan, ońtústikten soǵatyn jel oblystyń soltústiginde, ońtústiginde jáne ortalyǵynda 15–20 m/s, ekpini 23–28 m/s bolady. Óńirdiń ońtústiginde joǵary órt qaýpi saqtalady. Semeıde jel ekpini 15–20 m/s-qa jetedi.
Shyǵys Qazaqstan oblysynyń batysynda, soltústiginde jáne taýly aýdandarynda túnde jáne tańerteń jańbyr men qar jaýyp, kóktaıǵaq bolady. Oblystyń shyǵysynda tuman kútiledi. Shyǵystan, ońtústik-shyǵystan soǵatyn jel óńirdiń soltústiginde, ońtústik-shyǵysynda jáne ortalyǵynda 15–20 m/s, ekpini 23–28 m/s bolady.
Almaty oblysynyń taýly aýdandarynda túnde jáne tańerteń tuman kútiledi. Ońtústik-shyǵystan, shyǵystan soǵatyn jel oblystyń ońtústiginde, shyǵysynda jáne taýly aýdandarynda 15–20 m/s-qa deıin kúsheıedi. Oblystyń batysynda, ońtústiginde jáne shyǵysynda joǵary órt qaýpi saqtalady.
Almatyda joǵary órt qaýpi saqtalady. Medeý jáne Bostandyq aýdandarynyń taýly aımaqtarynda túnde jáne tańerteń tuman kútiledi. Ońtústik-shyǵystan soǵatyn jeldiń ekpini keı ýaqytta 15–20 m/s bolady.
Qyzylorda oblysynyń soltústigi men ortalyǵynda túnde jáne tańerteń tuman túsedi. Oblys boıynsha tótenshe órt qaýpi, óńirdiń soltústiginde joǵary órt qaýpi saqtalady. Qyzylordada túnde jáne tańerteń tuman bolady. Tótenshe órt qaýpi de saqtalady.
