Eldiń basym bóliginde aýa raıy qubylmaly — Qazgıdromet
ASTANA. KAZINFORM — «Qazgıdromet» RMK 11 mamyr kúngi aýa raıy boljamyn jarııalady.
Qazaqstan aýmaǵynyń basym bóliginde soltústik-batys tsıklonynyń jáne oǵan baılanysty atmosferalyq frontaldy bólimderdiń yqpalymen turaqsyz aýa raıy saqtalady. Naızaǵaı oınap, jańbyr, burshaq jaýyp, daýyl turady.
Eldiń shyǵysynda, ońtústiginde, ońtústik-shyǵysynda qatty jańbyr jaýady.
Respýblıkanyń soltústik-batysynda, ońtústik-shyǵysynda antıtsıklon jotasynyń áserinen jaýyn-shashynsyz aýa raıy bolady. Respýblıka boıynsha jel kúsheıip, elimizdiń batysynda túnde jáne tańerteń, ońtústik-shyǵysyndaǵy taýly aımaqtarda — tuman, ońtústiginde shańdy daýyl bolady.
Túnde Soltústik Qazaqstan oblysynyń batysynda, Aqmola oblysynyń soltústiginde, ońtústiginde, Pavlodar, Qaraǵandy, Qostanaı oblystarynyń batysynda, soltústiginde, Aqtóbe, Batys Qazaqstan oblystarynyń soltústiginde, Abaı oblysynyń batysynda 1-6 gradýs úsik júredi.
Qyzylorda oblysynda, Jetisý oblysynda, Almaty oblysynyń soltústiginde, shyǵysynda, Jambyl oblysynyń batysynda, shyǵysynda, soltústiginde, Túrkistan oblysynyń ortalyǵynda joǵary órt qaýpi saqtalady.
Sondaı-aq Ulytaý oblysynda, Qaraǵandy oblysynyń batysynda, soltústiginde, ońtústiginde, Aqtóbe oblysynyń ońtústiginde, Aqmola oblysynyń ońtústik-shyǵysynda, batysynda, shyǵysynda da joǵary órt qaýpi boljanǵan.
Pavlodar oblysynyń ońtústiginde, Shyǵys-Qazaqstan oblysynda, Abaı oblysynyń shyǵysynda joǵary órt qaýpi kútiledi.
Al Qyzylorda oblysynyń shyǵysynda, ońtústiginde, Abaı oblysynyń ortalyǵynda, Jetisý oblysynyń ońtústik-shyǵysynda, ońtústiginde tótenshe órt qaýpi saqtalady.
Aıta keteıik, búgin tek bir qalada aýa sapasy tómendeıdi.
