Eldiń áleýmettik-ekonomıkalyq damýyna úles qosqan azamattar marapattaldy
ASTANA. KAZINFORM — Prezıdent atynan elimizdiń áleýmettik-ekonomıkalyq damýyna úles qosqany úshin memlekettik nagradalar tabys etildi. Bul týraly Úkimettiń baspasóz qyzmeti habarlady.
Premer-mınıstr Oljas Bektenov Prezıdent Qasym-Jomart Toqaevtyń tapsyrmasyna sáıkes, elimizdegi áleýmettik-ekonomıkalyq damýǵa, sondaı-aq zań men quqyqtyq tártipti nyǵaıtýǵa eleýli úles qosqan azamattarǵa memlekettik nagradalar tabys etti.
Premer-mınıstr jańa Konstıtýtsııanyń qabyldanýy qoǵamnyń birligi men tutastyǵynyń kórinisi ári aýqymdy reformalardyń mańyzdy kezeńi bolǵanyn erekshe atap ótti.
— Memleket basshysy reformalardyń máni resmı ózgeristerde emes, halyqtyń ómir sapasyn jaqsartý, ádilettilikti nyǵaıtý jáne memleketke degen senimdi arttyrý ekenin birneshe ret atap ótti. Dál qazirgi jaǵdaıda memlekettik apparat pen bıznes arasyndaǵy úılesimdi jumys asa mańyzdy. Bul reformalardyń turaqty ilgerileýin jáne olardyń qoǵamǵa naqty paıdasyn qamtamasyz etýdiń birden-bir joly, — dedi Oljas Bektenov.
«Parasat» ordenimen marapattalǵandar:
ádilet mınıstri Erlan Sársembaev;
«QazMunaıGaz» UK» AQ basqarma tóraǵasy Ashat Hasenov;
«Qazaqstan temir joly» kompanııasy» UQ» AQ basqarma tóraǵasy Talǵat Aldybergenov;
mádenıet jáne aqparat birinshi vıtse-mınıstri Qanat Ysqaqov;
Freedom Holding Corp. bas atqarýshy dırektory Tımýr Týrlov.
Aıta ketelik keshe Prezıdent bir top azamatqa memlekettik nagradalar tabystaǵan edi.
