Eldiń 15 óńirinde jáne Astanada aýa raıyna baılanysty eskertý jarııalandy

ASTANA. QazAqparat – 11 qarasha kúni Qazaqstannyń 15 óńirinde jáne Astanada qolaısyz aýa raıyna baılanysty eskertý jarııalandy, dep habarlaıdy «Qazgıdromet».

Jetisý oblysynyń shyǵysynda jáne taýly aımaqtarynda túnde tuman túsedi. Oblystyń shyǵysynda soltústik-shyǵystan soqqan jeldiń ekpini 15-20 m/s jetedi.

Jambyl oblysynyń ońtústiginde jáne taýly aýdandarynda túnde jáne tańerteń tuman túsedi. Taýly aımaqtarda ońtústik-shyǵystan soqqan jeldiń ekpini 15-20 m/s-ke jetedi. Taraz qalasynda da túnde jáne tańerteń tuman túsedi.

Aqtóbe oblysynyń soltústiginde túnde kóktaıǵaq bolady. Túnde jáne tańerteń soltústikte jáne shyǵysta tuman túsedi.

Qyzylorda oblysynyń soltústigi men ortalyǵynda túnde jáne tańerteń tuman túsedi.

Pavlodar oblysynyń soltústiginde túnde azdaǵan jaýyn-shashyn (jańbyr, qar), burqasyn jáne kóktaıǵaq bolady. Kúndiz oblystyń batysy, soltústigi men shyǵysynda jańbyr men qar jaýyp, burqasyn jáne kóktaıǵaq bolady. Jeldiń jyldamdyǵy 15-20 m/s deıin jetedi. Pavlodar qalasynda da kúndiz jaýyn-shashyn, burqasyn jáne kóktaıǵaq bolady.

Atyraý oblysynyń batysy men shyǵysynda túnde keı jerlerde qatty jańbyr jaýady. Túnde jáne tańerteń oblystyń batysy men ońtústiginde, sondaı-aq Atyraý qalasynda tuman túsedi.

Túrkistan oblysynyń ońtústigi men taýly aımaqtarynda túnde jáne tańerteń tuman túsedi.

Abaı oblysynyń ońtústigi, shyǵysy jáne ortalyǵynda túnde qar, kóktaıǵaq, burqasyn boldy. Al oblystyń batysy, soltústigi jáne ońtústiginde tuman túsedi. Jeldiń ekpini keı jerlerde 15-25 m/s deıin jetedi. Semeı qalasynda ońtústik-batystan soqqan jeldiń jyldamdyǵy 15-18 m/s.

Shyǵys Qazaqstan oblysynyń soltústigi, shyǵysy jáne ońtústiginde túnde qar, kóktaıǵaq jáne burqasyn bolady. Kúndiz oblystyń batysy, soltústigi men shyǵysynda jańbyr men qar jaýyp, kóktaıǵaq pen burqasyn bolady. Keı óńirlerde tuman túsedi. Jeldiń ekpini 23 m/s deıin jetýi múmkin. Óskemende túnde qar, kóktaıǵaq jáne burqasyn kútiledi.

Ulytaý oblysynyń soltústiginde tuman túsedi. Kúndiz soltústik pen shyǵysta jeldiń ekpini 15-20 m/s deıin kúsheıedi.

Soltústik Qazaqstan oblysynda jańbyr men qar, jaýyn-shashyn jaýyp, kóktaıǵaq pen burqasyn bolady. Keı jerlerde tuman túsedi. Jeldiń ekpini 25 m/s deıin jetedi. Petropavlda da osyndaı aýa raıy bolady.

Mańǵystaý oblysynyń batysy men soltústiginde, sondaı-aq Aqtaý qalasynda túnde jáne tańerteń tuman túsedi.

Aqmola oblysynyń batysy men soltústiginde túnde jaýyn-shashyn (jańbyr, qar), kóktaıǵaq jáne burqasyn bolady. Kúndiz de jaýyn-shashyn, kóktaıǵaq jáne burqasyn kútiledi. Keı jerlerde tuman túsedi, jeldiń ekpini 25 m/s deıin jetedi. Kókshetaýda kúndiz jańbyr men qar jaýyp, kóktaıǵaq pen burqasyn bolady.

Qostanaı oblysynyń batysynda túnde jáne kúndiz jańbyr men qar, kóktaıǵaq jáne burqasyn bolady. Túnde jáne tańerteń keı óńirlerde tuman túsedi. Jeldiń ekpini 15-20 m/s deıin kúsheıedi. Qostanaı qalasynda da kúndiz osyndaı aýa raıy boljanyp otyr.

Astanada kóktaıǵaq kútiledi. Kúndiz jeldiń ekpini 15-20 m/s deıin jetedi.

Batys Qazaqstan oblysynyń batysy, soltústigi jáne ońtústiginde túnde jáne tańerteń tuman túsedi. Oral qalasynda da túnde jáne tańerteń tuman kútiledi.

Osyǵan deıin Astanada qar kúreý jumysyna 3000-ǵa jýyq kommýnaldyq qyzmetker jumyldyrylǵany týraly jazdyq.