Eldiń 13 óńirinde tuman men kóktaıǵaqqa baılanysty eskertý jarııalandy

 Qazgıdromet sınoptıkteri aýa raıynyń buzylýyna baılanysty birqatar óńirde eskertý jarııalady, dep habarlaıdy Kazinform.

5 qarashada Qyzylorda oblysynyń ortalyǵynda tuman túsedi. Soltústik-shyǵystan jel soǵady, oblystyń shyǵysynda kúndiz kúshi 15-20 m/s.

Aqtóbe oblysynyń soltústiginde, Aqmola oblysynyń soltústiginde jáne shyǵysynda, Batys Qazaqstan oblysynyń batysynda, soltústiginde, shyǵysynda, Qaraǵandy oblysynyń soltústiginde, ortalyǵynda, Ulytaý oblysynyń soltústiginde, ortalyǵynda jáne Astana qalasynda túnde jáne tańerteń tuman túsedi. 

Kúndiz Túrkistan oblysynyń taý asýlarynda ońtústik-shyǵystan, shyǵystan jel soǵady, kúshi — 15-20 m/s.

Túnde Pavlodar oblysynyń ońtústiginde tuman túsip, kóktaıǵaq bolady. 

Sondaı-aq Soltústik Qazaqstan oblysynyń ońtústiginde túnde jáne tańerteń tuman bolady. Soltústik-batystan jel soǵady, túnde oblystyń shyǵysynda ekpini 15-20 m/s jetedi

Abaı oblysynyń soltústiginde, batysynda, shyǵysynda — tuman, kóktaıǵaq. Ońtústikten soǵatyn jel soltústik-batysqa aýysady, oblystyń ortalyǵynda jyldamdyǵy — 15-20 m/s.

Kúndiz Shyǵys Qazaqstan oblysynyń soltústiginde, shyǵysynda kóktaıǵaq bolady. Oblystyń soltústiginde tuman túsedi. Ońtústik-shyǵystan soǵatyn jel soltústik-batysqa aýysady, oblystyń ortalyǵynda jel ekpini — 15-20 m/s.

Túnde jáne tańerten Jetisý oblysynyń ortalyǵynda, taýly aýdandarynda tuman bolady. Alakól kólderi aýdanynda ońtústik-shyǵystan jel soǵady, ekpini 15-20, túnde keı ýaqyttarda 23-28 m/s.