Eldiń jańǵyrýyn jedeldetýge akademııalyq ǵylymnyń úzdik ókilderi qajet - RF sarapshysy
ASTANA. QazAqparat - Reseı memlekettik áleýmettik ýnıversıtetiniń professory, zań ǵylymdarynyń doktory Leonıd Goloskokov eldiń jańǵyrýyn jedeldetý úshin joǵary oqý oryndarynyń jáne akademııalyq ǵylymnyń eń úzdik ókilderin belsendi tartý qajet dep esepteıdi.
Bul týraly búgin ol Astanada ótken «Jańa jahandyq naqty ahýal jaǵdaıyndaǵy myqty jáne tabysty memleketti qalyptastyrý máseleleri» atty ǵylymı konferentsııada málim etti.
«Qazaqstannyń qolǵa alǵan baǵdarlamalaryn aıtatyn bolsaq, bizdiń teorııanyń negizi boıynsha, ony júzege asyrýdy jedeldetý úshin jańǵyrýdyń qosymsha úderisin júrgizý kerek. Ondaǵy negizgi kúsh akademııalyq ǵylymnyń eń úzdik ókilderine, aspıranttarǵa, doktorlarǵa salynýy tıis, sodan keıin ǵana el azamattary tartylýy tıis», - dep atap ótti L. Goloskokov.
Sonymen qatar ǵalymnyń aıtýynsha, memlekettiń jańǵyrý protsesine erik-jiger, negiz, maqsat jáne ádister qajet.
«Eger erik bolmasa, basqa komponentter kerek emes. Negizgige kadrlar, tehnologııalar, ınjenerler men ǵalymdar jatady», - dedi ǵalym.
