Eldiń úzdik dárigeri anyqtalady
ASTANA. 11 mamyr. QazAqparat - Ulttyq medıtsınalyq qaýymdastyq otandyq densaýlyq saqtaý salasyna sińirgen zor eńbegi úshin elimizdiń úzdik dárigeri «Altyn dáriger» tósbelgisimen marapattalady.
Jeńimpazdy marapattaý rásimi «Ekologııa. Densaýlyq. Ońaltý» 3-shi bas assambleıasynyń aıasynda ótedi.
Osy kúnderi elordadaǵy Ulttyq kardıohırýrgııalyq ortalyqta ótip jatqan shara aıasynda qaýymdastyq sonymen qatar elimizdiń úzdik medıtsınalyq mekemesine «Medıtsınalyq kómektiń joǵary sapasy úshin» qoǵamdyq belgisin tapsyrady.
Búgin bastalǵan alqaly jıynǵa Parlament depýtattary, kórnekti ǵalymdar men qoǵam qaıratkerleri, mınıstrlikter men vedomstvolardyń, úkimettik emes uıymdardyń, halyqaralyq uıymdardyń ókilderi qatysýda. Olar otandyq densaýlyq saqtaý salasynyń ózekti problemalaryn jan-jaqty talqylaıdy.
