Eldiń úsh oblysynda qar qursaýynan 54 avtokólik pen 100-den astam adam qutqaryldy
ASTANA. 16 qańtar. QazAqparat - 15 qańtar kúni saǵat 19.50-de Shyǵys Qazaqstan oblysy Úrjar aýdany, Almaty-Óskemen tas jolynyń 688-shaqyrymynda
TJB jáne oblystyq TJD-nyń órtke qarsy qyzmetiniń kúshimen 65 adam, sonyń ishinde 5 bala men 40 kólik qar qursaýynan shyǵaryldy.
Sondaı-aq keshe saǵat 20.20-da Jambyl oblysy Jýaly aýdany, Quıyq jáne Shaqpaq ótkelderin qosa alǵandaǵy Almaty-Tashkent tas jolynyń 550-593-shaqyrymynda Jambyl oblysy boıynsha TJD «Shuǵyl qutqarý qyzmeti» MM-niń kúshimen (4 adam men 2 tehnıka, aýdandyq TJB-niń 3 adamy men 1 tehnıkasy) 38 adam, sonyń ishinde 2 bala jáne 12 tehnıka oppa qardan shyǵaryldy. Zardap shekkender joq.
Keshe Qaraǵandy oblysynyń Ulytaý aýdanynda Jezdi kentinen 30 shaqyrym jerde 6 adam men 2 jeńil kólik qar tutqynynda qalyp qoıdy. QR TJM oblystyq TJD-niń órtke qarsy qyzmeti (3 adam men 1 tehnıka) kólikterdi joldyń tazartylǵan ýchaskesine shyǵardy.
QR TJM-nan anyqtaǵandaı, qutqarylǵandardyń arasynda zardap shekkender joq.
