Eldiń úsh oblysynda avtoqozǵalys jabyldy
ASTANA. QazAqparat - Respýblıkanyń úsh oblysynda aýa raıynyń nasharlaýyna baılanysty avtokóliktiń barlyq túrleri úshin qozǵalys jabyldy.
QR ІІM Tótenshe jaǵdaılar komıtetiniń aqparaty boıynsha Almaty oblysynda aýa raıynyń nasharlaýyna baılanysty (kúshti jel, boran, kórinimniń nasharlaýy) «Úsharal-Dostyq» avtojolynda (83-164-shi shaqyrymdar) avtokóliktiń barlyq túrleri úshin qozǵalys jabyldy.
Jambyl oblysynda aýa raıynyń nasharlaýyna baılanysty (burqasyn, kórinimniń nasharlaýy) oblystyq mańyzdaǵy «B.Momyshuly-Qoshqarata» avtojolynyń ýchaskesinde (10-67-shi shaqyrymdar) avtokóliktiń barlyq túrleri boıynsha qozǵalys jabyldy.
Qaraǵandy oblysynda aýa raıynyń nasharlaýyna baılanysty (boran, kóktaıǵaq) «Almaty-Ekaterınbýrg» avtojolynyń ýchaskesinde (641-1007-shi shaqyrymdar, Qaraǵandy qalasy-Balqash qalasy); «Qyzylorda-Pavlodar» avtojolynyń ýchaskesinde (752-906-shy shaqyrymdar, Topar kenti-Atasý kenti) avtokóliktiń barlyq túrleri boıynsha qozǵalys jabyldy.
