Eldiń tynyshtyǵy men turaqtylyǵy úshin daýys berdim-Jabal Erǵalıev
Búgin qoǵam qaıratkeri Kókshetaýdaǵy ózi tirkelgen saılaý ýchaskesinde daýys berip shyqty.
«Kókshetaýlyq saılaýshylardyń biri bolyp, óz saılaý ýchaskeme kelip, daýys berdim. Óz tańdaýymdy jasadym», - deıdi Jabal Erǵalıev.
Sonymen qatar, ol bul saılaý bizdiń qoǵamdy demokratııalandyrý jáne qoǵamdyq uıymdar men halyqtyń belsendilikterin arttyrýǵa da jańa serpin bergenin atap ótti.
«Jýyrda Prezıdentimiz Qasym-Jomart Toqaevtyń jaqynda jarııalanǵan «Táýelsizdik bárinen qymbat» atty maqalasynda «Qazaqstannyń saıası júıesi zaman talabyna saı damyp keledi. Májilis depýtattarynyń bıylǵy saılaýy – kóppartııaly Parlamentti ornyqtyrý jolyndaǵy mańyzdy qadam. Bizde saıası kózqarastary ártúrli partııalar bar. Olardyń ustanymdary konservatıvti, lıberaldy, ultshyl, sotsıalıst jáne taǵy basqa bolýy múmkin. Bul – tabıǵı úderis. Saıası plıýralızm memleketti evolıýtsııalyq jolmen damytýǵa jáne nyǵaıtýǵa múmkindik beredi. Saıası kúshter osyndaı áralýan bolsa da, barshasyn biriktiretin jáne bárine ortaq qundylyq bar. Ol – qasterli Táýelsizdik»- degeni bar.
Kez kelgen saıası naýqannyń basty mıssııasy Táýelsizdikti baıandy etýge, eldiń birligi men berekesin saqtaý bolsa kerek. Olaı bolsa óz basym Táýelsizdigimizdiń baıandy bolýy, eldiń tynyshtyǵy men turaqtylyǵy úshin daýys berdim! Biz úshin Táýelsizdikten qymbatty da qundy eshnárse joq ekendigin uǵynǵanymyz abzal! Sol táýelsizdigimizdi kózdiń qarashyǵyndaı saqtaıyq», - dep túıindedi Jabal Erǵalıev.
