Eldiń turaqty damýy azamattarynyń bilimi men qarym-qabiletine baılanysty - Toqaev
NUR-SULTAN. QazAqparat – Eldiń turaqty damýy azamattarynyń bilimine, qarym-qabiletine, jańashyldyǵyna jáne jasampazdyǵyna baılanysty. Bul týraly Qazaqstan halqy Assambleıasynyń «El birligi – jańarǵan Qazaqstannyń tiregi» atty HHHІ sessııasynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.
«Jahandyq tehnologııalyq jańa úderister kezinde ulttyń gýmanıtarlyq qýaty aıryqsha ról atqarady. Qazirdiń ózinde eldiń turaqty damýy onyń tabıǵı baılyǵyna emes, azamattarynyń bilimine, qarym-qabiletine, jańashyldyǵyna jáne jasampazdyǵyna baılanysty. Búgingi álem ekonomıkasyn bilim jáne ınnovatsııa ekonomıkasy deýge bolady. Sebebi bular taýar óndirý jáne qyzmet kórsetý júıesin túbegeıli ózgertip jatyr. Bir sózben aıtsaq, búkil ómir saltymyz ózgerip barady», - dedi QR Prezıdenti.
Buǵan deıin Qazaqstan Prezıdenti Qasym-Jomart Toqaevtyń tóraǵalyǵymen Qazaqstan halqy Assambleıasynyń kezekti otyz birinshi sessııasy ashylǵanyn habarlaǵan edik.
