Eldiń soltústiginen turǵyndar az kóshe bastady
PETROPAVL. QazAqparat - SQO turǵyndarynyń sanyn kóbeıtýge baǵyttalǵan jumystar óz jemisin bere bastady. Óńirden kóship ketken turǵyndardyń sany 15%-ǵa azaıǵan, dep habarlaıdy QazAqparat tilshisi
SQO statıstıka departamentiniń málimetinshe, 2017 jylmen salystyrǵanda byltyr óńirden ketkender sany 15 % azaıǵan. Máselen, 2017 jyly 12 myńǵa jýyq adam oblys aýmaǵynan qonys aýdarǵan bolatyn.
«Biz mıgratsııalyq protsester boıynsha oń ózgeristerdi baıqap otyrmyz. Kóptegen jastarymyz óńirde qalýda. Shekaralyq aımaqtarǵa baryp oqıtyn jastardyń sany 13% qysqardy. 2018 jyly Manash Qozybaev atyndaǵy SQMÝ granttar sanyn 342 den 1072 deıin ósirdi. Jergilikti bıýdjetten 75 grant bólindi», - dedi oblys ákimi Qumar Aqsaqalov.
2018 jyly memlekettik baǵdarlama aıasynda oblysqa 1,5 myń adam nemese 450 otbasy kóship keldi. Qonys aýdarǵandar búginde Soltústik óńirdiń 224 eldimekeninde turyp jatyr. Olardy jumysqa ornalastyrý, baspanamen qamtý máseleleri tolyq sheshilgen.
Bıyl taǵy 2 myń adam keledi dep josparlanǵan. Bolashaǵy bar aýyldarda 600 úı salynady. Olarǵa jol, mektep, ambýlatorııany jóndeýge, aýyz sýmen qamtamasyz etýge qarjy baǵyttalady. Aıtyp ótken jón, bıyl 705 km jol jóndeýge 37 mlrd teńge bólinedi. 29 aýylǵa taza aýyz sý keledi, bul eldimekenderde 24 myń adam turady.
