Eldiń soltústiginde kún salqyndap, qar aralas jańbyr jaýýy yqtımyl - Qazgıdromet
ASTANA. QazAqparat - Qazgıdromet Qazaqstan aımaqtarynda 26 qyrkúıekte bolatyn qaýipti meteorologııalyq qubylystarǵa boljaý konsýltatsııasyn jarııalady, dep habarlaıdy QazAqparat.
Qazaqstan terrıtorııasynyń basym bóliginiń aýa raıyn soltústik batys tsıklony jáne onymen baılanysty atmosferalyq frontaldy bólikter anyqtaıdy, onyń áserinen jańbyr, soltústikte qatty jańbyr, túnde soltústikte jaýyn-shashyn (jańbyrdyń sońy qarǵa ulasady) kútiledi.
Qazaqstannyń qalǵan aýmaǵy joǵary qysym aımaǵynda bolǵandyqtan jaýyn-shashynsyz aýa raıy kútiledi. Respýblıka boıynsha keı jerlerde naızaǵaı, jeldiń kúsheıýi, ońtústikte, ońtústik-batysta shańdy daýyl, soltústikte, soltústik-batysta burshaq kútiledi.
Qostanaı oblysynyń soltústiginde, kúndiz Soltústik Qazaqstan oblysynyń soltústiginde qatty jańbyr kútiledi.
Jambyl, Qaraǵandy, Túrkistan, Qyzylorda oblystarynyń basym bóliginde, Pavlodar oblysynyń ortalyǵynda, Abaı oblysynyń soltústik-batysynda, soltústiginde, shyǵysynda tótenshe órt qaýpi saqtalady, Atyraý oblysynyń ońtústiginde, Jetisý oblysynyń ońtústik-batysynda tótenshe órt qaýpi kútiledi.
Almaty oblysynyń basym bóliginde joǵary órt qaýpi saqtalady.
