Eldiń soltústigi men shyǵysynda 2 gradýsqa deıin úsik júredi

NUR-SULTAN. QazAqparat – Aldaǵy kúnderi Qazaqstannyń soltústigi men shyǵysynda 2 gradýs úsik júredi. Bul týraly QazAqparat Qazgıdrometke silteme jasap habarlaıdy.

«Qazaqstan aýmaǵynyń basym bóligi soltústik-batys antıtsıklonnyń yqpalynda bolady. Aldaǵy táýlikterde jaýyn-shashynsyz aýa raıy kútiledi. Aptanyń ortasyna qaraı temperatýralyq fon birtindep tómendeıdi. Respýblıkanyń soltústik-batysynda, soltústiginde, shyǵysynda jáne ortalyǵynda túngi jáne tańerteńgi saǵattarda topyraq betinde 2°s-qa deıin úsik kútiledi», - delingen habarlamada.