Eldiń soltústigi men batysynda turaqsyz aýa raıy kútilýde - 18 tamyzǵa arnalǵan aýa raıy boljamy
ASTANA. 17 tamyz. QazAqparat - Belsendi tsıklonmen birge Qazaqstannyń batysynda 18 tamyz kúni naızaǵaıly ótkinshi jańbyrlar ótedi, jel kúsheıedi, keıbir jerlerde shańdy daýyl kútiledi.
Respýblıkanyń soltústik aýdandaryndaǵy aýa raıy turaqsyz bolady dep kútilýde. Bul týraly Qazgıdrometke silteme jasaǵan QR TJM-niń baspasóz qyzmetinen habarlaıdy.
Eldiń qalǵan aýmaǵynda jaýyn-shashynsyz aýa raıy bolady dep kútilýde.
Jambyl, Ońtústik Qazaqstan, Qyzylorda, Mańǵystaý, Aqtóbe, Pavlodar, Shyǵys Qazaqstan oblystarynda, kúndiz Qostanaı oblysynda keıbir jerlerde jeldiń 15-20 m/s jyldamdyqpen soǵýy kútilýde.
Atyraý jáne Batys Qazaqstan oblysynda jel 15-20 m/s jyldamdyqpen soǵyp, shańdy daýyl bolýy yqtımal.
Mańǵystaý, Atyraý, Batys Qazaqstan, Aqtóbe, Qyzyorda, Ońtústik Qazaqstan, Jambyl oblystarynda kún ystyq bolady.
Respýblıkanyń ońtústiginde, ortalyǵy men ońtústik-shyǵysynyń keıbir jerlerinde tótenshe joǵary órt qaýiptiligi saqtalady.
Jaqyn úsh táýlikte respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıiniń aýytqýlary kútiledi.
