Eldiń shyǵysyndaǵy 19 eldi mekendi sý basýy múmkin
ÓSKEMEN. QazAqparat – Shyǵys Qazaqstan oblysynda 19 eldi mekendi sý basý qaýpi bar, dep habarlaıdy QazAqparat tilshisi.
Osy jaıly ShQO ákimi Danıal Ahmetov halyqqa esep berý barysynda aıtty.
«Tasqyn qaýpi jaıly ár aýdan ákimi habardar, qutqarýshylar men barlyq qajetti tehnıkalar daıyndaldy. Tótenshe jaǵdaılarǵa oraı bıýdjette 1,1 mlrd teńge qarastyrylǵan. 2018 jyly bolǵan oqıǵa qaıtalanbaıdy dep senemin. Ol kezde Buqtyrma ózenindegi muz qalyńdyǵy 2 metrden asqan bolatyn», - dedi aımaq basshysy.
Onyń aıtýynsha, bıyl muz qalyńdyǵy metrden aspaıdy.
«Qajetti ydys-qaptar daıyndaldy. Sý ótkizgish qubyrlar men kópirler tazartylyp, Tarbaǵataı men Glýbokoe aýdandaryndaǵy tasqyn sýdyń aldyn alý úshin qosymsha 150 mıllıon bólindi», - dedi Danıal Ahmetov.
Aıta keteıik, oblys ózenderindegi jarylys jumystaryna 198 mıllıon teńge jumyldyrylǵan. Jalpy aımaq boıynsha 19 eldi mekendi sý basý qaýpi bar.
