Eldiń shyǵysynda turaqsyz aýa raıy kútilýde - jańbyr jaýyp, naızaǵaı oınaıdy, burshaq túsip, jel kúsheıedi
ASTANA. 11 maýsym. QazAqparat - Qazaqstannyń shyǵys aýmaǵynda atmosferalyq frontaldyq aǵymdardyń ótýimen turaqsyz aýa raıy kútiledi - jańbyrlar ótip, naızaǵaı jarqyldaıdy, burshaq jaýýy múmkin, jel kúsheıedi.
Bul týraly Qazgıdrometke silteme jasaǵan QR TJM-niń baspasóz qyzmetinen habarlaıdy.
Aqmola, Soltústik Qazaqstan, Ońtústik Qazaqstan, Pavlodar, Qaraǵandy oblystarynda keıbir jerlerde jel 15-22 m/s deıin kúsheıedi, burshaq túsýi múmkin. Jambyl, Shyǵys Qazaqstan, kúndiz Qostanaı jáne Almaty oblystarynda jel ekpini 15-20 m/s deıin kúsheıedi. Qyzylorda oblysynda keıbir jerlerde jeldiń kúshi 17-22 m/s deıin jetedi, shańdy daýyl bolady. Túnde jáne tańerteń Mańǵystaý oblysynyń jaǵalaýynda tuman bolady.
Qyzylorda oblysynda, Shyǵys Qazaqstan, Batys Qazaqstan, Aqtóbe, Mańǵystaý, Almaty oblystarynyń keıbir jerlerinde, Qaraǵandy, Qostanaı oblystarynyń ońtústiginde tótenshe joǵary órt qaýiptiligi saqtalady.
Mańǵystaý, Atyraý oblystarynda, Batys Qazaqstan jáne Aqtóbe oblystarynyń keıbir jerlerinde kún qatty ystyq bolady. Mańǵystaý, Atyraý, Qyzylorda oblystarynda, Batys Qazaqstan, Aqtóbe, Ońtústik Qazaqstan oblystarynda tótenshe joǵary órt qaýiptiligi saqtalady.
Jaqyn táýlikterde respýblıkanyń ońtústik, ońtústik-shyǵys jáne shyǵysyndaǵy taýly ózenderde sý deńgeıleriniń aýytqýlary saqtalady.
