Eldiń shyǵysynda kúshti jel turady jáne kún raıy kúrt jylynady
ÓSKEMEN. Naýryzdyń 24-i. QazAqparat /Lıýdmıla Malko/ - Taıaýdaǵy táýlikterde Shyǵys Qazaqstanda kún raıy kúrt jylynyp, qardyń shapshań erýi jáne jeldiń kúsheıýi kútilýde.
Bul týraly TJ qyzmeti eskertý jasady.
Zyrıanov, Qaton-Qaraǵaı, Kúrshim aýdandarynda kúndiz aýa raıy +7 gradýsqa, Úrjar, Aıagóz jáne Abaı aýdandarynda - 10 gradýsqa deıin jylynady.
Jańbyr túrinde jaýyn-shashyn bolýy, ońtústik-shyǵystan kúshti jel turýy, onyń jyldamdyǵy sekýndyna 25-28 metrge deıin kúsheıýi kútilýde.
Aımaqtyń taýly aýdandarynda qar kóshkini yqtımaldyǵy saqtalady.
