Eldiń ońtústiktegi shepterinde jańa úlgidegi shekara zastavalary ashylady
ASTANA. QazAqparat - QR UQK tóraǵasynyń orynbasary - Shekara qyzmetiniń dırektory, general-leıtenant Nurlan Jolamanov bastaǵan Ortalfq apparattyń ofıtserler toby «Ońtústik» óńirlik basqarmasynyń shekaralyq bólimshelerinde boldy, dep habarlady QR UQK ShQ baspasóz qyzmeti.
Shekara qyzmetiniń dırektory, general-leıtenant Nuran Jolamanov memlekettik shekaranyń boıymen ushyp ótip, Saryaǵash jáne Jetisaı shekara jasaqtary zavstavalarynyń, Qordaı shekara jasaǵynyń áskerı qalashyǵyndaǵy jańa úlgidegi shekaralyq zavstavalar qurylysynyń barysyn tekserdi, Taraz shekara jasaǵynda boldy, QR UQK Shekara qyzmeti akademııasyndaǵy jóndeý-qalpyna keltirý jumystarynyń barysyn qarady, «Almaty» shekaralyq baqylaý jasaǵyn aralap kórdi.
Saryaǵash shekara jasaǵynda birneshe «Batys», «Saryaǵash», «Dostyq», «Yntymaq», «Darhan» jáne «Jýantóbe» sııaqty zastavalar salynýda. Shekaralyq vedomstvo basshysy merdigerlik uıymdardyń basshylyǵymen, qurylysshylarmen kezdesti, qurylystyń ár nysanyn tekserdi. Olardyń barlyǵy da bıylǵy jyly paıdalanýǵa beriledi, alǵashqy jańa úlgidegi shekara zastavalarynyń ashylýy kásibı mereke - QR UQK Shekara qyzmetiniń qurylǵan kúnine oraılastyrylyp otyr.
«Jetisaı» shekara jasaǵynda eldiń bas shekarashysy shekara joldaryna qıyrshaq-topyraqty jabyn tóseý jumystaryn kórdi. QR UQK tóraǵasynyń orynbasary «Qoǵaly» zastavasynda bolyp, qurylys jumystaryn qazan aıynda aıaqtaýǵa tapsyrma berdi. «Myrzakent» shekara zastavasynda shekaralyq vedomstvo basshysy ofıtserler otbasylarymen jáne kelisim-shartpen jumys istep jatqan áskerı qyzmetshilermen kezdesti..
Inspektsııalyq top «Ońtústik» óńirlik basqarmasynyń «Qordaı» áskerı qalashyǵynyń qurylys alańynda boldy. Jasaq qurylysy bir aı buryn bastalǵan bolatyn, qazir jer ázirleý jumystary 50 paıyzǵa oryndalǵan. 2016 jyldyń sońyna qaraı munda shekarashylar úshin barlyq qajetti ınfraqurylymy - balalar baqshasy, ofıtserler quramynyń úıleri, kelisim-shart boıynsha jumys isteıtinderge arnalǵan jataqhana jáne basqa da nysandary bar qalashyq boı kóteredi.
- Jańa shekaralyq zastavalar salý - birinshi kezektegi mindet jáne merdigerler jumys qarqynyn jáne jumystardy merziminde aıaqtaý úshin is-qımyldardy shıratýlary tıis. Barlyq shekralyq jasaqtarda shekarashy-jaýyngerler úshin qyzmet atqarýǵa qajetti barlyq jaǵdaıdy jasaımyz», - dep atap kórsetti general-leıtenant Nurlan Jolamanov. Almatyda basshylyq «Almaty» shekaralyq baqylaý jasaǵynda jáne áskerı nysandar kúrdeli jóndeýden ótip jatqan QR UQK Shekara qyzmeti akademııasynyń dalalyq oqý ortalyǵynda boldy.
