Eldiń ońtústik, ońtústik-batys jáne shyǵysynda turaqsyz aýa raıy kútilýde - sınoptıkter
ASTANA. 20 sáýir. QazAqparat - Búgin Qazaqstannyń basym óńirinde jaýyn-shashynsyz aýa raıy saqtalady, respýblıkanyń tek ońtústik,
ońtústik-batys jáne shyǵysynda atmosferalyq aǵymdardyń yǵysýymen, jekelegen jerlerde aýa raıynyń turaqsyz sıpaty kútiledi.
Bul týraly Qazgıdrometke silteme jasap, TJM-niń baspasóz qyzmetinen habarlady.
Túnde Jambyl, kúndiz Ońtústik Qazaqstan oblystarynyń keıbir jerlerinde 15-20 m/s jyldamdyqpen jel soǵady.
Atyraý jáne Qostanaı oblystarynyń keı jerlerin túnde tuman basyp, kúndiz 15-20 m/s jyldamdyqta jel turady.
Mańǵystaý, Shyǵys Qazaqstan oblystarynda - kúndiz keı aımaqtarda naızaǵaı oınap, 15-20 m/s ekpinde jel soǵady.
Kúndiz Pavlodar oblysynda 15-20 m/s jyldamdyqpen jel soǵady.
Aldaǵy táýlikte Jaıyq, Petropavldan tómen Esil jáne Reseımen shekaradaǵy Tobyl ózenderinde sý tasqyny jaǵdaıy men sý deńgeıleriniń kóterilýi jalǵasady. Respýblıkanyń ońtústik, ońtústik-shyǵys jáne shyǵysynda sý kóleminiń aýytqýlary bolýy yqtımal.
